Будапешт дархости гузаронидани Бозиҳои олимпии соли 2024-ро бозхонд

0
2 800 просмотров

Ҳукумати Венгрия эълон кард, ки дархости худро ҷиҳати гузаронидани Бозиҳои олимпии тобистонаи соли 2024 дар Будапешт бозмехонад. Дар ин бора Reuters хабар дод. Ҳукуматдорон ин амали худро аз ноҷӯрии вазъи сиёсӣ ва набудани ваҳдати миллӣ дар кишварашон арзёбӣ кардаанд.
Қарор баъди вохӯрии сарвазири Венгрия Виктор Орбан бо мири шаҳри Бухарест Иштван Тарлош ва Кумитаи миллии олимпии ин кишвар содир шудааст. То ба ҳол қарори бозхонди Бухарест аз Бозиҳои тобистонаи соли 2024 ба Кумитаи байналмилалии олимпӣ нарасидааст.
Иқдоми гузаронидани Бозиҳои олимпиро дар Бухарест аз рӯи пурсиш танҳо сеяки аҳолии Венгрия дастгирӣ кардаанд. 50 фоизи мардум ба он зид баромадаанд. 56 фоизи сокинони шаҳри Бухарест ба муқобили баргузории бозиҳо раъй додаанд.
Гурӯҳи фаъолон пештар аз Ҳукумати кишварашон даъват ба амал оварданд, ки барои гузаронидани Бозиҳои олимпии тобистонаи соли 2024 референдум гузаронанд. Ба ин дархост 250 000 нафар имзо гузоштанд.
Ёдовар мешавем, ки пойтахти Олимпиадаи соли 2024 13 сентябри соли 2017 дар конгресси Кумитаи байналмилалии олимпӣ дар шаҳри Лимаи Перу эълон мегардад. Акнун барои гузаронидани Бозиҳои тобистонаи олимпии соли 2024 ду шаҳри даъвогар-Парижи Франсия ва Лос Анҷелеси Америка боқӣ мемонанд.

Манбаъ: АМИТ «Ховар»

Нет комментариев

Также рекомендуем

Тақдими ду адад нақлиёти санитарии махсус ба Вазорати тандурустӣ ва ҳифзи иҷтимоии аҳолии Тоҷикистон

Аз ҷониби  Намояндагии Агентии туркӣ оид ба ҳамкорӣ ва ҳамоҳангсозӣ  (TIKA) дар Ҷумҳурии Тоҷикистон ба Вазорати тандурустӣ ва ҳифзи иҷтимоии аҳолии  Ҷумҳурии Тоҷикистон ду адад нақлиёти ...

Сообщить об опечатке

Текст, который будет отправлен нашим редакторам: