Чангкашак бояд чӣ хел шавад

0
2 791 просмотров

Салом ба Шумо дӯстдорони Медиапортали «Тироз».  Дар ин бахш мо дар бораи чангкашакҳо ба Шумо маълумот медиҳем. Мутаваҷҷеҳ бошед.

 Чангкашак ёрдамчии асосии Шумо дар мубориза барои тозагии хонадонатон мебошад. Гарчанд чорубҳо мавқеи худро гум накардаанд, аммо тараққиёти техника рӯз аз рӯз кори моро осон мекунад. Техникаи муосир барои тоза кардан ва ба тартиб даровардан рӯз аз рӯз такомул ёфта истодааст. Бинобар ин ҳангоми харидорӣ кардан бояд интихоби дуруст кард.

Чангкашакҳо чанд намуд мешаванд.

Чангкашакҳо барои рӯбучини хушк, Чангкашакҳои шӯянда, чангкашакҳои аз дарун сохташаванда, чангкашакҳои дорои аквафилтр ва чангкашакҳои бо буғтозакунанда. Ин гуногунрангии васеъ нафақат барои тоза кардани чанг, балки барои кадбонуҳои покизакор, барои тоза нигоҳ доштани ошхона кӯмак мерасонад.

Албатта чангкашак бо барқ кор мекунад. Мувофиқтарин иқтидори кашидани чанг барои шароити хона 700 Вт ба ҳисоб меравад. Чангкашакҳо ҳархела мешаванд. Бисьёрдафъа – ин халтачаҳои латтагине, ки фақат чанги калонро медоранду тозакунии марҳилагиро талаб мекунанд ва якдафъагии коғазӣ мебошанд. Чангҳои майдаро низ медоранду дар муддати на кам аз як моҳ бояд иваз карда шаванд. Барои он ки чанги кашидашуда гашта ба ҳуҷра наравад системаи филтркунии зинагӣ истифода бурда мешавад. Меъёри муқарраргардида барои чангкашак аз 71 то 80 дараҷа децебел мебошад.

Ширкатҳои машҳури истеҳсолкунандаи ин намуди мол ширкатҳои «Bosch», «Daewoo», «LG»,  «Samsung», «Vitek»  ва «Zanussi» ба ҳисоб мераванд.

Ҳангоми ин ё он намуди чангкашакро харидорӣ кардан Шумо ба таври автоматӣ бо фурӯшанда шартномаи чаканаро оид ба хариду фурӯш мебандед. Бинобар ин вақти нуқсон доштани моли харида Шумо бояд ба тариқи хаттӣ ба фурӯшанда эроди худро баён намоед. Мағоза вазифадор аст моли худро баргашта гирифта, аз хисоби худ ба таъмиргоҳи хизматрасонӣ расонида, санҷиш ва ё озмоиши сифат гузаронад. Харидор ҳуқуқ дорад, ки дар вақти озмоиш иштирок намояд. Агар тӯли мӯҳлати кафолат мол дар таъмир зиёда аз 30 рӯз дошта шавад, ин барои баргардонидани маблағ асос шуда метавонад. Фурӯшанда ӯҳдадор аст, моли шуморо ё бо маҳсулоти сифаташ хуб иваз намояд, маблағи шуморо баргардонад.

Нет комментариев

Также рекомендуем

Маросими супоридани нусхаҳои эътимодномаҳои сафирони давлатҳои хориҷӣ

Дирӯз маросими супоридани нусхаҳои эътимодномаҳои сафирони навтаъйини чор давлати хориҷӣ ба Вазири корҳои хориҷии Тоҷикистон Сироҷидин Аслов баргузор гардид. Нусхаҳои эътимодномаҳои худро сафирони фавқулода ва ...

Сообщить об опечатке

Текст, который будет отправлен нашим редакторам: