Чеварони тоҷик аз коршиносони ширкати «Skilift Consulting»-и Ҳиндустон тарзу василаҳои дӯхти либос меомӯзанд

0
553 просмотров

Маркази тиҷорати байналмилалӣ барои 34 нафар мутахассисони корхонаҳои дӯзандагии Тоҷикистон зарфи шаш рӯз давраҳои омӯзишӣ доир ба беҳтар  намудани фаъолияти чеварон ва баланд бардоштани сатҳи маҳсулнокии кори онҳоро баргузор менамояд. Ин мутахассисон дар оянда ба ҳайси мураббӣ донишҳои андӯхтаашонро ба ҳамкоронашон талқин менамоянд. Давраҳои омӯзишӣ охири моҳи феврал дар  Душанбе ва аввали моҳи март дар Хуҷанд аз ҷониби коршиносони ширкати консалтингӣ аз Ҳиндустон — Skilift Consulting таҳия ва дарс дода мешаванд.

Ҳадафи ин давраҳо — омӯзиш додани равандҳои навтарини тарзу василаҳои дӯхти либос ба кормандони маҳаллӣ мебошад. Чеварон донишу маҳорати худро доир ба тарз ва раванди дӯхти либос сайқал дода, роҳҳои ноил гаштан ба натиҷаҳои беҳтар аз тариқи тағйир додани ҷараёни истеҳсолотро меомӯзанд. Дар баробари назария, гурӯҳи иштироккунандагон бо тамринҳои амалӣ доир ба мудирияти кормандон ва методологияи баргузории давраҳои омӯзишӣ барои дӯзандагон фаро гирифта мешаванд.

Мутахассиси ширкати Skilift Consulting Нантакумар Кандасамӣ мегӯяд, ки қарор аст ширкаткунандагони ин давраҳо донишҳояшонро ба ҳамкоронашон дар корхонаҳо ва донишгоҳҳо омӯзонанд. Ӯ мегӯяд: «Ҳадафи мо таълими равандҳои муосири тарзу василаҳои дӯхти либос ба чеварони  ширкатҳои дӯзандагии Тоҷикистон мебошад. Бо истифода аз ин донишу малакаҳои нави ҳосилшуда мо интизор дорем, ки маҳсулнокиии кор дар ширкатҳо беш аз 20 фоиз боло меравад».

Инчунин мутахассисони Skilift аз 8 то 12 марти соли 2020 аз ширкатҳои шарики МТБ дар шаҳри Душанбе ва вилоятҳои Хатлону Суғд боздид мекунанд. Дар доираи ин ибтикор, ширкатҳои дӯзандагие, ки дар давраҳои омӯзишӣ иштирок намудаанд, нақшаи семоҳаи фаъолияти худро барои амалисозиии методологияи тренингҳо дар дохили ширкатҳо омода мекунанд.

Барномаи нассоҷӣ ва дӯзандагии Маркази тиҷорати байналмилалӣ  (GTEX) – барномаи чаҳорсола буда, дар доираи он ба ширкатҳои нассоҷӣ ва дӯзандагии кишварҳои Тоҷикистон, Қирғизистон, Миср,  Марокаш ва Тунис кумак расонида мешавад. Ҳадафи барнома пешбурди содироти маҳсулоти нассоҷию дӯзандагӣ ва фароҳам овардани шароит барои дарёфти имконияти даромад ва ҷойи кор мебошад.

Манбаъ: АМИТ «Ховар»

Нет комментариев

Также рекомендуем

Произведено около 2 млн. тонн угля

Объем производства угля в Таджикистане по итогам 2018 года составил свыше 1,9 млн.. тонн. По данным министерства промышленности и новых технологий республики, к этому времени ...

Сообщить об опечатке

Текст, который будет отправлен нашим редакторам: