Мо аллакай ба Шумо гуфта будем, ки моҳи августи соли ҷорӣ мусобиқа (дуэл)-и бошукӯҳи ду роботи бузург доир хоҳад шуд.
Дар кунҷи кабуди ринг роботи 12-тоннагии Амрико Mk.3 ва дар кунҷи сурх — дастранҷи муҳандисони Ҷопон бо номи Kuratas. Бо назардошти он ки дар коркарди ин ду мошини азими ҷангӣ чӣ қадар сармоягузорӣ шудааст, манзараи боварнокарданиро ваъда медиҳанд. Аммо аз ҳама ҳайратовар он аст, ки мутахассисони Чинӣ низ қарор доданд дар чорабинии ғайриоддӣ иштирок намоянд. Тавре аён гардид, онҳо фаъолона роботи худ Monkey King-ро барои мубориза омода мекунанд.
Фикри ташкили муборизаи тамошобоб байни мошинҳои бузурги ҷангӣ аз ҷониби кормандони стартапи MegaBots-и Калифорния ба миён омад. Ҷавонони мақсаднок тамоми вақти озоди худро ба коркард ва такмили монстрҳои металлии худ мебахшанд ва ба наздикӣ бо дастгирии аъзои Кумитаи олимпӣ ҳатто нахустин дар ҷаҳон Лигаи варзишии роботҳои ҷангиро таъсис доданд. Ҷидду ҷаҳди амрикоиҳоро ҳамкасбони ҷопониашон аз ширкати Suidobashi Heavy Industry, ки роботи таъсирбахши Kuratas-ро ихтироъ карданд, тақсим мекунанд. Аммо ҳамроҳшавии Чин ба «пойгаи мусобиқа» барои ҳама ногаҳонӣ буд. Аз ҷониби Чин кӣ ё чӣ ба мубориза мебарояд?
Роботи Monkey King-ро мутахассисони ширкати чинии роботсозии Gunmetal ихтироъ кардаанд. Тимсол (прототип)-и аввалини мошини ҷангӣ анҷом дода шуд ва айни ҳол муҳандисон тарҳу сохти онро фаъолона мукаммал карда истодаанд. Беназирии сохти Monkey King ба он имконият медиҳад, ки ҳам бо ду по истода ва ҳам ба монанди ҳайвонот бо тамоми чор дасту по ба замин такья карда, мубориза барад. Намояндагони MegaBots бо эълони иштироки ҳамкасбони Чин шод шуданд, аз ин хотир алҳол масъалаи маҳз чӣ тавр ва бар муқобили кӣ ва ё чӣ ташкили нахустин муборизаи он ҳал шуда истодааст. Эҳтимол аст, ки он моҳи август пас аз аввалин муборизаи таърихӣ миёни Mk.3 ва Kuratas рӯй хоҳад дод.
Дар асоси маводи hi-news
Манбаъ: http://24hitech.ru/kitai-primet-ychastie-v-bitve-gigantskih-boevyh-robotov.html
Нет комментариев