Дар толори Қасри фарҳанги шаҳри Чкалов бахшида ба Рӯзи китоб чорабинии идона баргузор гардид.
Қабл аз оғози чорабинӣ адабиётҳои гуногун ба маърази тамошо гузошта шуд ва сипас намояндаи Мақомоти иҷроияи ҳокимияти давлатии вилояти Суғд Тутинисо Дадобоева, баромад намуда аз номи Раиси вилоят ҳамагонро бо фарорасии Рӯзи китоб табрик намуд.
Киромуддин Мухторов, муовини раиси шаҳр табрикоти раиси шаҳрро ба саҳми ҳозирин расонида, ба кормандони соҳаи фарҳанг ва китобдорону ҳаводорони китоб дар иҷрои ин рисолати пурифтихор таманниётҳо намуд.
Зимнан, дар шаҳри Чкалов 1 китобхонаи марказӣ, 1 филиал ва 4 нуқтаҳои китобдиҳӣ мавҷуд аст. Махзани китобхонаи марказии шаҳр 38 ҳазору 474 адад адабиёти соҳаҳои гуногунро фаро гирифта, дар он 9 нафар кормандон ба муштариён хизмат мерасонанд. Айни замон 2542 нафар хонандагон ба китобхонаи мазкур расман аъзо шудаанд. Дар ин бора http://sugd.tj/index.php/tj/navidi-sugd/5262-kitob хабар медиҳад.
Нет комментариев