Чойи дар пакетчаҳо гирифташуда, асосан аз чанги чой, ки баъди коркарди барги чой ҳосил мегарданд, иборат аст. Аз сабаби он ки чанги чой хеле арзон аст, истеҳсолкунандагони ноинсоф онро дар пакетчаҳо гирифта, гарон мефурӯшанд.
Чӣ хел маълум карда метавонем, ки дар дохили пакетча чой мавҷуд аст: Вақте қуттии чойро мекушоед, ба дохили он дуруст назар намоед, агар қаъри қуттӣ пур аз чанг бошад, ин аз он шаҳодат медиҳад, ки чанги чой бар ивази резабарг қоғазпеч карда шудааст. Агар қаъри қуттӣ тоза бошад, дар ин ҳолат шумо чойи резабаргро менӯшед, на партовҳои истеҳсолиро.
Барои чӣ чойи дар пакетча буда, нисбат ба чойи баргӣ дертар дам мехӯрад? Ҷавоб: моддаҳои рангкунанда. Чойи сифатан пастро харидорӣ карда, моддаҳои рангкунандаро илова намуда, ҳамчун чойи навъи олӣ ба фурӯш баровардан барои истеҳсолкунандагон хеле арзон меафтад. Мутаассифона онҳо дар таркиби борбанди маҳсулот моддаҳои рангкунандаро нишон намедиҳанд. Барои шумо муайян намудани он, ки дар таркиби чойи харидаатон моддаҳои рангкунанда илова карда шудааст ё не, хеле осон аст: Пакетчаи чойро ба истакони оби хунук фуроред, агар об ранг гирад, бечунучаро аз моддаҳои рангкунанда таркиб ёфтааст. Ё ба пиёлаи чой лимон ҳамроҳ намоед, агар чойи тоза бошад рангаш равшантар мешавад.
Бисёр вақт ба ҷои иловаҳои хушбӯйкунандаи табиӣ, аз иловаҳои хушбӯйкунандаи сунъӣ истифода мебаранд, зеро иловаҳои хушбӯйкунандаи сунъӣ нисбатан хеле арзон ва зудмаҳлулшаванда мебошанд. Сипас каму беш меваҳои хушккардашударо ҳамроҳ менамоянд, то дилпур нишон дода тавонанд, ки аз маводи табииӣ иборат аст.
Бисёре аз чойҳое, ки фурӯхта мешаванд, мӯҳлати истифодаашон гузаштааст. Чойи мӯҳлаташ гузашта дар таркибаш моддаи ба организм зараровари афлотоксин дорад. Мӯҳлати нигоҳдории чой то 3 сол муайян карда шудааст. Ҳангоми харидорӣ бисёриҳо ба мӯҳлати истифодабарӣ ва санаи истеҳсоли он кам аҳамият медиҳанд.
Бисёриҳо инчунин санаи истеҳсолшавии чойро аз рӯзи борбаншавии он мепиндоранд, аммо мутаасифона ин нодуруст аст. Санаи истеҳсолшавии чойро аз рӯзи дар чойзор ҷамъоварӣ шудани он ба ҳисоб гирифтан лозим аст. Истеҳсолкунандагон дар бораи он, ки ин чой то борбанд шаданаш дар амборхонаҳо чанд мӯҳлат интизорӣ кашидааст, ҳеҷ маълумот намедиҳанд.
Чӣ тавр маълум сохтан мумкин аст, ки чойи истифода намудаи мо кӯҳна шудааст? Агар таҳшини чой танаву қаъри пиёлаву чойникро хира (сиёҳ) намояд, чой кӯҳна аст.
Нет комментариев