Ҳамлагари «Пари Сен-Жермен» ва дастаи мунтахаби Фаронса Килиан Мбаппе тобистони имсол ба «Реал» мегузарад. Дар ин бора нашряи маъруфи Bild-и Олмон хабар дод.
Ба иттилои манбаъ, футболбози 23-солаи фаронсавӣ ҳамаи паҳлуҳои қарордоди худро бо бошгоҳи испанӣ мувофиқа кардааст. Мбаппе ройгон ба “Реал Мадрид” мегузарад ва дар як мавсим 50 миллион евро маош мегирад, ки ин дар қиёс бо музди маоши ҳамаи бозигарони дигар дар ҷаҳон зиёдтар аст.
Ёдовар мешавем, ки Мбаппе соли 2017 аз “Монако” ба ПСЖ гузашта буд. Дар мавсими ҷорӣ ҳамлагари фаронсавӣ дар 20 бозии чемпионати Фаронса ширкат карда, ба задани 10 гол ва 9 партофти головар даст ёфтааст. Шартномаи кунунии Мбаппе бо ПСЖ то охири мавсими 2021/22 амал мекунад. Аз соли 2017 инҷониб ҳамлагар ба тими миллии Фаронса низ даъват шуда истодааст.
Манбаъ: Варзиш-тв
Нет комментариев