Нақлиёти барқии ҷамъиятии бесарнишин дар бисёр давлатҳо инкишоф ёфта, маҳбубият пайдо карда истодааст ва кишвари Чин аз низ аз ин рӯйхат истисно нест. Дар музофоти Шандун, шаҳри Синдао нахустин трамвайи бесарнишин дар ҷаҳон бароварда шуд, ки аллакай дар кӯчаҳо ҳаракат мекунад. Дар он то 380 мусофирон ҷойгир шуда метавонанд, ки трамвай онҳоро бо суръати то 70 километр соат ба манзилашон бурда расонида метавонад. Дарозии трамвай 35 метр буда, паҳноияш 2,6 метрро ташкил медиҳад. Трамвай бо ёрии системаи ҳаракати интеллектуалӣ идора карда мешавад ва ин ситема барои мустақилона батанзимдарории суръатноки ҳаракат имкон медиҳад. Масалан, суръати ҳаракатро баланд ва ё нақлиётро нигоҳ дошта метавонад.
Коркардчиёни нақлиёт ба нашриёти China Daily гуфтанд, ки «трамвайи доно»-и офаридаи онҳо натанҳо барои баланд бардоштани сатҳу сифати кори трамвайҳо имкон медиҳад, балки сатҳи бехатарии онҳоро низ беҳтар мегардонад.
Оиди кай дар шакли васеъ аз истеҳсол баровардани CRRC Qingdao Sifang чизе гуфта намешавад. Коркардчиён мегӯянд, ки ҳоло трамвайи офаридаашон дар кӯчаҳо аз санҷиши таҷрибавӣ гузашта истодааст. Аз ин рӯ, ба наздикӣ нақлиёти барқии худидорашавандаи бесарнишин дар шакли васеъ, дар истифодаи умум қарор хоҳад гирифт.
Нет комментариев