Якчанд олимон қарор доданд, ки таъсири бад доштани компютерро ба психикаи бачаҳои мактабхон таҷриба намоянд. Дар ин озмоиши мазкур 5 нафар толибилмони 13 солаи мактабхон иштирок карданд. Барои гузаронидани ин озмоиш олимони чинӣ якчанд бозиҳои душвортарини компютериро интихоб карданд, ки аз инҳо буданд: GTA 4, Prototype 2, Mafia 2, Assassins creed 4, Counter Strike 1,6.
Ба санҷиш якчанд имтиҳон ворид карда шуда буд, ҳар яки он барои муайян намудани таъсири бозиҳои компютерӣ ба психикаи бачаҳо пешбинӣ гардида буд. Махсусан барои фаҳмидани таассуроти бача, суръатнокии ҳал карда тавонистани муаммо ва тактикаи фикрронӣ нигаронида шуда буд.
Дар давоми 2 моҳ мактаббачаҳо дар як рӯз 2 соат дар компютер бозӣ карданд ва бо навбат намуди бозиҳои компютериро иваз мекарданд.
Пас аз як моҳ боз ҳамин гуна санҷишҳо гузаронида шуда, ҷамъбасти озмоиш натиҷаи ғайричашмдошт ба вуҷуд овард. Дар мактаббачагон суръатнокии қобилияти фикрронӣ, мутассиршавӣ баланд шуда, дар вақти кӯтоҳ толибилмон ба ҳал карда тавонистани муаммо муваффақ шуданд ва сатҳи фикрронии тактикии онҳо нисбатан боло рафт.
Инчунин ҳолати рӯҳии бачагон дақиқ таҳлил карда шуда буд ва боз дар ин маврид натиҷаҳои ғайричашмдошт ба амал омаданд. Чӣ хеле ки олимон мегӯянд, ҳангоми гузаронидани ин озмоиш дар бачаҳо, ба ғайр аз як нафар, ягон асабонияту тундмиҷозӣ ба назар нарасидааст. Вале муносибати онҳо бо ҳамсолонашон каме тағйир ёфтааст. Дар як нафар толибилми дар санҷиш иштирок карда ҳисси тарс аз бачаҳои синфҳои болоӣ гум шудааст, дигаре дар муносибат бо дигарон нисбатан самимӣ ва ошкорбаён ва сеюмашон ба омӯзиши таърихи асримиёнагӣ ва адабиёт рағбати беандоза пайдо кардааст. Танҳо дар як нафар аз иштирокчии санҷиши таҷрибавӣ каме хашмгинӣ ба назар расидаасту халос. Вале чуноне омӯзгорони ин мактаббача иброз медоранд, ӯ аз ин қабл ҳам бачаи асабонӣ будааст.
Нет комментариев