Дар Душанбе ду нафар қиморбози «алик-малик» ба ҷавобгарӣ кашида шуданд

0
1 804 просмотров

Ҳафтаи сипаришуда дар маконҳои баргузории қиморбозиҳо санҷишу корҳои фаврӣ амалӣ карда шуда, ду нафар қиморбозон дастгир ва ба Раёсати Вазорати корҳои дохилии Ҷумҳурии Тоҷикистон дар шаҳри Душанбе дастрас карда шуданд.

Тавре аз Вазорати корҳои дохилӣ ба АМИТ “Ховар” хабар доданд, инҳо шаҳрвандон Юнусов Самандар Сафаралиевич, соли таваллудаш 1995, сокини шаҳри Кӯлоб, деҳаи Ҳакимобод ва Ҳамидов Хуршед Иброҳимович, соли таваллудаш 1994, сокини ноҳияи Фархор, деҳаи Иттифоқ мебошанд. Номбурдагон ҳангоми дар кӯчаи Муҳаммадҷон Қосимови ноҳияи Фирдавсӣ ба бозии ба истилоҳ «алик-малик» машғул шудан дастгир гардиданд.

Зимни пурсиш муайян карда шуд, ки ин нафарон гарчанде қаблан чандин маротиба аз ҷониби кормандони мақомот дастгир ва барои ин кирдори ғайриқонунӣ нисбаташон тадбирҳои дахлдори қонунӣ андешида шуда бошанд ҳам, тарки ин амали ғайриқонунӣ накарда, баръакс дар назди худ шаҳрвандони зиёдеро ҷамъ намуда, ба бозии «алик-малик» машғул ва бо ин роҳ маблағ ба даст меовардаанд.

Вобаста ба ин амал нисбат ба ин ду нафар санади маъмурӣ тартиб дода шуда, бо ҳукми Суд нисбат ба ҳар кадоми онҳо ҷазо дар намуди ҳабси маъмурӣ ба муҳлати 7-шабонарӯзӣ таъйин карда шуд.

Ташкили қиморбозӣ ё ба истилоҳи мардумӣ «алик-малик», ки баъзан дар кӯчаҳои пойтахт, асосан дар назди бозорҳо ва маконҳои ҷамъшавии одамон ба чашм мерасад, кирдори номатлуб ва амали ғайриқонунӣ ба ҳисоб меравад. Нафарони қиморбоз бо роҳи макру фиреб таваҷҷуҳи шаҳрвандону атрофиёнро ба худ ҷалб намуда, маблағҳои пулии онҳоро аз худ мекунанд.

Кормандони милитсияи пойтахт ҷиҳати пешгирӣ ва ошкор намудани чунин ҳолатҳо ба таври ҳамешагӣ санҷишу амалиёти мақсаднок доир намуда, нафарони қиморбозро дастгир ва ба ҷавогарӣ ҷалб менамоянд.

Манбаъ: АМИТ «Ховар»

Нет комментариев

Также рекомендуем

Сообщить об опечатке

Текст, который будет отправлен нашим редакторам: