Дисплейи чандир сохтан кори осон нест. Бисёрии коркардчиён бо роҳу воситаҳои гуногун барои сохтани дисплейи боқувват кӯшиш карда истодаанд. Ба сохтани экрани мулоиму аммо асоси чандир доштаи экран ҳаракат карда истодаанд, ки бидуни зараррасонӣ ба сохтори он барои қаҷ ва қат кардан имконият диҳад. Як намуди ин гуна экранҳои асоси пурқувват доштаи дисплей ин матоъ, яъне латта мебошад. Вале дар ин ҷо ҳам мушкилоти муайяне ҷой доранд. Яккум, ноҳамвории матоъ, дуюм, ин гуна экранҳо бо мушкилӣ қат ё каҷ шуданд ва баъдан корношоям гардиданд. Мутахассисони Донишкадаи технологияҳои пешрафтаи KAIST – и Куриё роҳи ҳалли ин проблемаҳоро дарёфтанд. Онҳо аз диоди органикӣ, ки аз он либос тайёр мекунанд, дисплей сохтанд.
Аввал олимон аз матоъ бо истифода мувофиқи мутобиқшавии он бо матоъҳои диоди қабати полимери борикдошта дисплейро сохтанӣ шуданд, вале баъдан ба хулосае омаданд, ки беҳтараш бо дигар роҳ латтаро бо диод мепӯшонанд. Бинобар ин, дертар онҳо роҳи махсуси дигарро ёфтанд, ки барои баробар рӯйпӯш намудани тамоми сатҳи болоии матоъ ба ҷойгир намудани светодиодҳои полимерӣ имконият дод. Ҳамин тавр, дар латтаҳои қабатнокии гуногундошта, инчунин дар матоъи қабати борикдошта мутахассисон дисплейи зебои равшанро сохта тавонистанд.
«Экранҳое, ки дар либоси ҳаррӯзаи мо печ дар печ мешаванд, дигар аллакай технологияи оянда ба ҳисоб намераванд. Матоъҳое, ки қобилияти дар худ нишон додани маълумотро доранд, барои индустрияи бофандагӣ аҳмияти муҳим хоҳанд дошт. Бино бар ин, мо аз матоъ дисплейи нисбатан кори самаранокдошта ва равшан офариданием», — мегӯяд роҳбари лабораторияи тадқиқотии KAIST Кён Чхол Чой.
Аммо ҳатто агар дисплейҳои латтагин сохта шаванд ҳам, ба олимон ҳал кардани бисёр масъалаҳо дар пеш аст. Дилхоҳ либосро мунтазам шустан лозим меояд, аз ин сабаб экранҳоро нисбати об ва маводҳои сахтаъсир устувор гардонидан лозим аст. Ба ғайр аз ин, проблемаи нерӯгирӣ низ ҷой дорад.
Нет комментариев