Дар маркази вилоят Фестивали “Оши палав” баргузор мешавад

0
2 177 просмотров

Бо мақсади ташвиқу тарғиби фарҳанги рӯзгордорӣ, эҳё ва рушди анъана ва суннатҳои мардумӣ ва дар доираи чорабиниҳо бахшида ба 25-солагии Истиқлолияти давлатии Ҷумҳурии Тоҷикистон санаи 5 октябр дар маркази вилоят шаҳри Хуҷанд Фестивали “Оши палав” гузаронида мешавад.

Дар ин бора қарори Раиси вилояти Суғд аз 29 сентябри соли 2016, № 438 ба тасвиб расид.

Ҷоиз ба зикр аст, ки Фестивали мазкур дар Маҷмааи фарҳангию таърихии “Қалъаи Хуҷанд” доир мегардад ва барои иштирокчиёни беҳтарин диплому мукофотпулиҳо тақдим мешавад. Ба иштирокчиёни беҳтарини Фестивали “Оши палав” аз рӯи бахшҳои “Оши палави беҳтарин” – 5 000 сомонӣ, “Ошпази касбии беҳтарин” – 3 000 сомонӣ, “Ошпази беҳтарин байни муйсафедон” – 1000 сомонӣ, “Ошпази беҳтарин байни занҳои калонсол” – 1000 сомонӣ, “Ошпази беҳтарин байни мардон” – 1000 сомонӣ, “Ошпази беҳтарин байни занон” – 1000 сомонӣ, “Ошпази беҳтарин байни домодҳо” – 1000 сомонӣ, “Ошпази беҳтарин байни арӯсон” – 1000 сомонӣ, “Ошпази беҳтарин байни ҷавонписарон” – 1000 сомонӣ, “Ошпази беҳтарин байни ҷавондухтарон” – 1000 сомонӣ, “Ошхури беҳтарин” – 2 000 сомонӣ, “Табақи калонтарин ва зеботарини миллӣ” – 1000 сомонӣ, “Саҳнача, намоиши фарҳангии беҳтарин” – 1000 сомонӣ, “Дастони моҳир” – 1000 сомонӣ мукофотпулиҳо супорида мешавад.

Хотирнишон бояд кард, ки ин барои дуввумин бор аст, ки дар вилояти Суғд Фестивали “Оши палав” доир мегардад. Қабл аз ин дар соли 2015 низ чунин фестивал баргузор шуда буд ва дар он беҳтарин ошпазҳои шаҳру ноҳияҳои вилоят иштирок доштанд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Маҳсулоти ширкатҳои нассоҷии Тоҷикистон дар намоишгоҳи маъруфи Маскав

Сафири Тоҷикистон дар Русия Имомуддин Сатторов рӯзи 16 феврал дар маросими ифтитоҳи ҳамоиши тиҷоратии «Ҳамкории истеҳсолкунандагони Тоҷикистону Қирғизистон ва ширкатҳои русиягӣ дар соҳаи саноати сабук» ...

Сообщить об опечатке

Текст, который будет отправлен нашим редакторам: