Дар ноҳияи Мастчоҳ ҷашни Наврӯзро таҷлил намуданд

0
266 просмотров

Сокинони ноҳияи Мастчоҳ Наврӯзи хуҷастапайро пуршукӯҳ ва бо шаҳомати хосса ҷашн гирифтанд.

Меҳмонон дар Боғи фарҳангию фароғатии «Тоҷикистон» аз намоиши хӯрокҳои миллӣ, ҳунарҳои мардумӣ, дастовардҳои соҳаи кишоварзӣ, варзиш ва маориф тамошо намуда, ба ҳунари кадбонуҳои мастчоҳӣ баҳои баланд доданд.

Зимни ҷамомади тантанавӣ, ки дар Қасри фарҳанги ноҳия баргузор шуд, иброз гардид, ки моҳияту ҳикмат ва табиати ҷашни Наврӯз ҳамчун рамзи бузургдошти инсон, пайки пирӯзии гармӣ бар сардӣ ва нур бар зулмот, ойини бедории табиат, эҳёи тамоми мавҷудоти олам дар тӯли ҳазорсолаҳо ба мардуми мо чун омили иттиҳоду сарҷамъӣ хизмат намудааст.

Яке аз бузургтарин ҳикматҳои ин ҷашни мардумӣ дар он зоҳир мегардад, ки омили муттаҳидкунанда ва василаи ҳамдигарфаҳмии халқу миллатҳои гуногун ба ҳисоб рафта, ниёзҳои маънавию иҷтимоии мардуми оламро қонеъ мегардонад.

Наврӯз на танҳо ҷашни оғози сол ва эҳёи табиат, балки таконбахши андешаи таҳаммулгароӣ, ваҳдату сарҷамъии инсоният ва дар айни замон омили тақвиятдиҳандаи ифтихори миллии мо мебошад.

Санъаткорони бахши фарҳанги ноҳия барномаи рангини консертӣ пешкаши иштирокдорон намуданд.

Манбаъ: АМИТ «Ховар»

Нет комментариев

Также рекомендуем

Власти Согда выделили около 100 тыс. сомони для поощрения победителей конкурса

Исполнительный орган государственной власти Согдийской области выделил около 100 тыс. сомони для поощрения победителей конкурса «Лучшее медучреждение”, «Лучший врач” и «Лучшая медсестра”. Как сообщает пресс-центр ...

Сообщить об опечатке

Текст, который будет отправлен нашим редакторам: