Дар шаҳри Бӯстон 150 нафар ба озмунҳои ҷумҳуриявӣ роҳхат гирифтанд

0
895 просмотров

Дар шаҳри Бӯстон 150 нафар ғолибони даври шаҳрии озмунҳои ҷумҳуриявии «Тоҷикистон-Ватани азизи ман», «Фурӯғи субҳи доноӣ китоб аст» ва «Илм-фурӯғи маърифат» қадрдонӣ гардиданд.

Тавре ба АМИТ «Ховар» дар Мақомоти иҷроияи ҳокимияти давлатии шаҳри Бӯстон иттилоъ доданд, дар маросими ҷоизасупорӣ раиси шаҳр Мавсума Муинӣ иштирок намуда, иброз дошт, ки «дар ҳама давру замон соҳаи иҷтимоиёт масоили мубрам маҳсуб ёфта, илм ва зарфиятҳои илмӣ, омили пешрафту таҳаввули инсоният маҳсуб меёбад. Таърих гувоҳи он аст, ки инсоният барои расидан ба ҳадафтҳои муайяни худ, аз аҳди бостон то ба имрӯз, дар ҷустуҷӯи илм ва маърифат аст. Бояд тазаккур дод, ки дарёфти илму маърифат роҳи осон набуда, заҳматҳои зиёдро тақозо дорад, ки мо онро бо машаққатҳо фатҳ менамоем».

Гуфта шуд, ки дар даври шаҳрии Озмуни ҷумҳуриявии «Тоҷикистон-Ватани азизи ман», ки 1 июн доир шуд, 42 нафари синашон гуногун аз рӯи номинаҳои навозандагӣ, сарояндагӣ ва композиторӣ дар жанрҳои академикӣ, анъанавӣ ва эстрадӣ ширкат варзида, 25 нафар ба даври вилоятии озмун роҳхат гирифтанд. Дар даври шаҳрии Озмуни ҷумҳуриявии «Фурӯғи субҳи доноӣ китоб аст», ки 17, 18 ва 19 май баргузор гардида, 160 нафар аз рӯи номинаҳои осори адибони классикии тоҷик, адабиёти муосири тоҷик ва шифоҳии халқи тоҷик, адабиёти бачагона ва афсонаҳои халқи халқи тоҷик, адибони ҷаҳон ва эҷоди назму наср ширкат намуда, 60 нафар ба даври вилоятии озмун роҳхат гирифтанд. Инчунин дар даври шаҳри Озмуни ҷумҳуриявии «Илм-фурӯғи маърифат» 190 нафар довталабон иштирок намуда, аз онҳо 65 нафар ба даври вилоятӣ роҳхат гирифтанд.

Дар маросими мазкур аз ҷониби мақомоти иҷроияи ҳокимияти давлатии шаҳри Бӯстон ба ғолибону иштирокчиёни фаъол ва омӯзгорон «Диплом», «Сипоснома» ва маблағҳои пулӣ тақдим карда шуданд.

Манбаъ: АМИТ «Ховар»

Нет комментариев

Также рекомендуем

Ҷавонон бар зидди терроризм ва ифротгароӣ

Бо мақсади иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни пешниҳоди Паёми навбатии худ ба Маҷлиси ...

Сообщить об опечатке

Текст, который будет отправлен нашим редакторам: