Бо мақсади эҳё намудани анъанаҳои миллӣ, тарбияи маънавию эстетикии ҷавонон, эҳтиром ва муҳаббат нисбат ба зан, ҳусну ҷамол, тарзи муомилаву завқи либоспушӣ, мустаҳкам намудани тарбияи зебопарастии ҷавонон, дар Театри тамошобини навраси шаҳри Хуҷанд озмуни анъанавии «Маликаи сол-2017» бахшида ба “Соли ҷавонон” баргузор гардид. Дар озмун 6 нафар духтарон иштирок намуда аз рӯи 5 шарт байни ҳам қувваозмоӣ намуданд. Дар озмун ҷавондухтарон Урунова Ороста донишҷӯи Донишгоҳи ҳуқуқ, бизнес ва сиёсати Тоҷикистон, Ҷумаева Фарзона донишҷӯи коллеҷи омӯзгории шаҳри Хуҷанд, Зоҳирова Мадина донишҷӯи Донишкадаи политехникии Донишгоҳи техникии Тоҷикистон, Ҳаитбобоева Мадина донишҷӯи Донишкадаи иқтисод ва савдои Донишгоҳи давлатии тиҷорати Тоҷикистон, Дадоҷонова Ганҷина донишҷуи Донишгоҳи давлатии Хуҷанд ба номи академик Бобоҷон Ғафуров ва Бобоҷонова Шоира донишҷӯи коллеҷи тиббии шаҳри Хуҷанд байни ҳам қувваозмоӣ намуда дар натиҷа Бобоҷонова Шоира донишҷӯи коллеҷи тиббии шаҳи Хуҷанд “Маликаи сол-2017” интихоб гардид. Ғолибон бо диплом, лента ва тӯҳфаҳои хотиравии Раиси шаҳри Хуҷанд қадрдонӣ карда шуданд.
Манбаъ: www.khujand.tj
Нет комментариев