Ба сокинону меҳмонони шаҳри Сйонаи Швейтсария хизматрасонии нақлиёти нави ҷамъиятӣ ба роҳ монда шуд. Ин нақлиёти ҷамъиятӣ автобусҳои барқии бидуни ронанда мебошад. Айни ҳол танҳо ду адад аз ин намуди автобус ҳамчун санҷиш ба истифода дода шудааст. Ин аввалин санҷиши нақлиёти ҷамъиятӣ дар кишвар аст. Ҳар як автобуси барқии бидуни ронанда ҳаракат кунандаро намояндаи ширкати нақлиётӣ ҳамроҳӣ менамояд. Ӯ бехатарии мусофиронро ҳангоми ҳаракати нақлиёт назорат менамояд. Айни ҳол автобуси барқӣ аз санҷиш хуб гузашта, мусофирон аз хизматрасонии он изҳори хушҳолӣ мекунанд. Ҳангоми мушоҳидаи пиёдагард, велосипед ё аробачаи кӯдакона автобуси барқии бидуни ронанда, ба таври худкор истода, то аз канораш гузаштан, худро нигоҳ медорад. Айни ҳол дар ин нақлиёти ҷамъиятӣ танҳо 11 курсӣ насб карда шуда, се мусофири дигар дар он рост мераванд. Автобусҳои барқиро намояндаи ширкати автомобилбарории «Navya»-и Франсия ихтироъ ва истеҳсол мекунад. Онҳо мегӯянд, ин нақлиёти насли оянда аст. Бино ба маълумоти охирин айни ҳол дар ҷаҳон наздики 100 ҳазор автомобили ба таври худкор ҳаракаткунанда мавҷуд аст. Ширкатҳои ҷаҳон нақша доранд то соли 2035-ум теъдоди чунин мошинҳоро дар ҷаҳон ба 50 миллион адад расонанд. Автобуси барқии худидоракунанда имкон дорад, давоми 24 соат фаъолият намояд. Ғайр аз ин, автобуси мазкур метавонад ба пешу қафо як хел ҳаракат кунад. Автобуси барқии бидуни ронанда ҳаракаткунанда бо панҷ таҷҳизоти хурди компютерӣ насб карда шудааст, ки он ишораҳои ҳаракати роҳ, чароғак, садои дигар мошинҳо ва дигар монеаҳоро мушоҳида менамояд. Он ҳамчунин бо барномаи рух додани садамаи нақлиётӣ муҷаҳҳаз аст ва дар ин лаҳза ба таври автоматӣ худро нигоҳ медорад. Ҳамчунин ҳангоми рух додани садамаи дигар мошинҳо, автобуси барқӣ аз канори он мегузарад.
Юношеская сборная потерпела неудачу на ЧА-2018
В стартовом матче Чемпионата Азии-2018 в группе «А» юношеская сборная Таджикистана (U-16) потерпела неудачу, проиграв хозяевам турнира команде Малайзии со счетом 2:6. Как сообщает официальный ...
Нет комментариев