Дар Суғд ба 60 нафар бонувони ҳунарманд грантҳои Раиси вилоят супорида шуданд

0
595 просмотров

13 декабр дар Театри мусиқӣ-мазҳакавии ба номи Камоли Хуҷандӣ маросими супоридани грантҳои Раиси вилояти Суғд ба занони ҳунарманд баргузор гардида, ба 60 нафар бонувон 420 000 сомонӣ грант супорида шуд. Дар ин бора ба АМИТ «Ховар» дар Хадамоти матбуоти Раиси вилоят хабар доданд.

Имсол баҳри дастгирӣ ва рушди ҳунарҳои мардумӣ, дар доираи эълон гардидани Солҳои рушди саноат (2022 – 2026) тибқи қарори Раиси вилояти Суғд «Дар бораи таъсис ва ҷудо намудани грантҳои Раиси вилоят ҷиҳати дастгирӣ ва рушди фаъолияти соҳибкории занони ҳунарманд ва эҷодкор барои солҳои 2021-2025» 60 гранти Раиси вилоят, аз ҷумла 15 грант дар ҳаҷми 10 ҳазор сомонӣ, 15 грант дар ҳаҷми 8000 сомонӣ ва 30 грант дар ҳаҷми 5000 сомонӣ пешбинӣ гардидааст.

Ба комиссияи грантҳои Раиси вилоят 104 адад лоиҳаҳои дархостӣ барои рушди ҳунарҳои гулдўзӣ, қуроқдӯзӣ, армуғонсозӣ, адрасбофӣ, қолинбофӣ ва амсоли инҳо ворид гардида, беҳтарин лоиҳаҳои ба комиссияи грантҳои мақомоти иҷроияи ҳокимияти давлатии вилоят пешниҳодшуда дастгирӣ карда шуданд.

Занони ҳунарманд ният доранд бо истифода аз маблағи грант фаъолияти коргоҳи худро васеъ ба роҳ монда, аз 10 то 20 нафар занону духтаронро бо ҷойи кор таъмин намоянд.

Ёдовар мешавем, ки ҳамасола аз ҷониби Сарвари давлат грантҳои президентӣ ба маблағи аз 10 то 40 ҳазор сомонӣ ҷудо мегарданд. Дар ин озмун бонувони вилояти Суғд низ ширкат намуда, соҳиби гранти президентӣ мегарданд. Соли 2022 низ 17 нафар бонувони вилоят бо манзури лоиҳаҳои худ сазовори грантҳои президентӣ гаштанд.

Солҳои охир дар вилояти Суғд грантҳои мақомоти иҷроияи ҳокимияти давлатии вилоят ҷиҳати дастгирии фаъолияти занон таъсис дода шуда, занони ҳунарманд давоми солҳои 2010-2022, дар маҷмӯъ 3 миллиону 785 ҳазор сомонӣ маблағҳои грантиро соҳиб гардиданд. Бо ин на танҳо шароити иқтисодии оилаи худро беҳтар намуданд, балки барои дигар занону духтарон ҷойҳои нави кори доимӣ таъсис додаанд.

Манбаъ: АМИТ «Ховар»

Нет комментариев

Также рекомендуем

Аккумулятор на основе цемента

В настоящее время основные аккумуляторы на рынке чаще всего являются литий-ионными, особенно в области портативной электроники. Однако ученые все еще ищут новые методы хранения энергии, ...

Сообщить об опечатке

Текст, который будет отправлен нашим редакторам: