Дар Суғд масъалаи таҳсили ҷавонон дар донишгоҳҳои пешрафтаи Чин баррасӣ шуд

0
178 просмотров

Раиси вилояти Суғд Раҷаббой Аҳмадзода бо намояндагони музофоти Шэнсии Ҷумҳурии Мардумии Чин мулоқот намуд, ки зимни он ҷонибҳо масъалаи ҷалби сайёҳони чинӣ ба вилоят, густариши робитаҳо дар бахшҳои маорифу тандурустӣ, таҳсили ҷавонон дар донишгоҳҳои пешрафтаи Чинро муҳокима намуданд, хабар медиҳад АМИТ «Ховар» бо истинод ба хадамоти матбуоти Раиси вилояти Суғд.

Дар вохӯрӣ ҷонибҳо аз таҳкими муносибатҳои дӯстона байни Ҷумҳурии Тоҷикистон ва Ҷумҳурии Мардумии Чин, ки натиҷаи сиёсати хирадмандонаи сарони ду давлат аст, изҳори қаноатмандӣ намуданд.

Таъкид гардид, ки вилояти Суғд бо минтақаҳои гуногуни Ҷумҳурии Мардумии Чин ҳамкории тиҷоратию иқтисодӣ дорад. Ҳамкории тарафҳо дар бахшҳои гуногун, аз ҷумла саноати кӯҳӣ-металлургӣ назаррас буда, байни ду давлат табодули маҳсулот сол ба сол зиёд мегардад.

Маълумот дода шуд, ки дар вилояти Суғд бо дастгирии пайвастаи Пешвои миллат муҳтарам Эмомалӣ Раҳмон соҳаи саноат, аз ҷумла саноати кӯҳкорӣ, истихроҷи ангишт, коркарди пахта рушд карда, вилоят метавонад дар ин замина ҳамкориро тақвият бахшад.

Дар мулоқот ҳамзамон ба масъалаҳои ташкили корхонаҳои истеҳсоли доруворӣ, таҳсили ҷавонон дар донишгоҳҳои пешрафтаи Чин ҳавасмандӣ зоҳир гардида, аз натиҷаи вохӯрӣ протокол ба имзо расонида шуд.

Нет комментариев

Также рекомендуем

Наврӯз: Шаш рӯз истироҳат кунед!

Бахшида ба ҷашни Наврӯз, ки ҳамасола дар таърихи 21 март таҷлил мешавад, дар Тоҷикистон 6 рӯзи истироҳат эълон шудааст. Ба иттилои Федератсияи мустақили иттифоқҳои касабаи ...

Сообщить об опечатке

Текст, который будет отправлен нашим редакторам: