Дар Суғд «Оила, кӯча, маҳалла, деҳа, деҳот ва шаҳраки беҳтарин»-ро муайян мекунанд

0
699 просмотров

Бо мақсади дар сатҳи баланд пешвоз гирифтани 30-солагии Истиқлолияти давлатии Ҷумҳурии Тоҷикистон дар вилояти Суғд озмуни вилоятии «Оила, кӯча, маҳалла, деҳа, деҳот ва шаҳраки беҳтарин» доир мегардад, ки ғолибонро аз 6000  то  3000 сомонӣ мукофотпулӣ интизор аст. Дар ин бора хабарнигори АМИТ «Ховар» бо истинод аз маркази матбуотии раиси вилояти Суғд иттилоъ медиҳад.

Бино ба иттилои  манбаъ, ба ғолибони бахши «Ҷамоати деҳот ва шаҳраки беҳтарин» ба се ҷой аз 6000 то 2000 сомонӣ, «Деҳаи беҳтарин» ба се ҷой аз 4000 сомонӣ то 2000 сомонӣ, «Кӯчаи беҳтарин» ба се ҷой аз ​ 4000 то  2000 сомонӣ, «Маҳаллаи беҳтарин» ба се ҷой 4000 то 2000 сомонӣ ва «Оилаи беҳтарин» ба се ҷой аз  3000 то 1000 сомонӣ сарфароз гардонида мешаванд. Дар ин бора қарори Раиси вилояти Суғд  ба тасвиб расидааст.

Озмуни мазкур бо мақсади вусъат додани корҳои ободонӣ, бунёдкорию созандагӣ, ҷалби бештари сармояи хориҷию ватанӣ баҳри таъмини рушди иҷтимоию иқтисодӣ, таъсиси ҷойҳои нави корӣ,​ тарғиб ва оммавигардонии суннатҳои беҳтарини миллӣ доир мегардад.

Ғолибони озмун бо диплому мукофотҳои пулӣ сарфароз гардонида мешаванд.

Ёдовар мешавем, ки Озмуни «Оила, кӯча, маҳалла, деҳа, деҳот ва шаҳраки беҳтарин» дар саросари мамлакат доир гардида беҳтаринҳои он то ҷашни 30- солагии Истиқлолияти давлатӣ интихоб ва муаррифӣ мешавад.

Манбаъ: АМИТ «Ховар»

Нет комментариев

Также рекомендуем

Официальный курс валюты на 02.01.2018

Национальный банк Таджикистана (НБТ)  02 января   с целью бухгалтерского учета и оплаты таможенной пошлины определил  официальный курс иностранной валюты   следующим образом: 1 доллар США = ...

Сообщить об опечатке

Текст, который будет отправлен нашим редакторам: