Дар TASHKENT GRAND SLAM 2024 Тоҷикистонро 16 варзишгар намояндагӣ мекунад

0
221 просмотров

Дастаи мунтахаби  Тоҷикистон оид ба ҷудо дар мусобиқаи навбатии «Сайри ҷаҳонии ҷудо» – Tashkent Grand Slam 2024  дар ҳайати 16 нафар иштирок менамояд, хабар медиҳад АМИТ «Ховар» бо истинод ба Федератсияи ҷудои Тоҷикистон.

Мусобиқа аз 1 то 3 март бо иштироки 463 варзишгари беш аз 70 давлат баргузор мешавад.

Ба ҳайати дастаи мунтахаби Тоҷикистон Шукрона Қарчиева (-48кг), Аҳлия Муъминова (-52кг), Фазилат Гулбоева (-57кг), Мавлуда Одинаева (-63кг) байни духтарон ва  Меҳрзод Суфиев, Ҳақдод Гулов (-60кг), Эмомалӣ Нуралӣ (-66кг), Беҳруз Ҳоҷазода, Маҳмадшариф Наҷмуддинов (-73кг), Сайфиддин Сайфиддинзода, Сунатулло Мусоев (-81кг), Комроншоҳ Устопириён,  Акмал Муродов (-90кг), Ҷаҳонгир Маҷидов (-100кг), Мансур Раҳмон ва  Шакармаҳмад Мирмамадов (+100кг) байни мардон дохил мебошанд.

Варзишгарон барои иштирок дар мусобиқа хол ба даст оварда, мавқеашонро дар раддабандии олимпӣ беҳтар менамоянд. Ғолибон ва ҷоизадорон дар баробари медал ҷоизапулӣ мегиранд.

Манбаъ: АМИТ Ховар

Нет комментариев

Также рекомендуем

Сообщить об опечатке

Текст, который будет отправлен нашим редакторам: