Дар Тоҷикистон пойгоҳҳои обкашӣ бо таҷҳизоти муосиру каммасрафи барқӣ таъмин карда мешаванд

0
411 просмотров

Дар маҷлиси Ҳукумати Ҷумҳурии Тоҷикистон, ки 29 июн таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати Ҷумҳурии Тоҷикистон муҳтарам Эмомалӣ Раҳмон баргузор гардид, Барномаи сармоягузории бо таҷҳизоти муосиру каммасрафи барқӣ таъмин намудани пойгоҳҳои обкашии Агентии беҳдошти замин ва обёрӣ барои солҳои 2023-2027 тасдиқ карда шуд.

Агентии беҳдошти замин ва обёрӣ якҷо бо мақомоти иҷроияи ҳокимияти давлатии вилоятҳо ва шаҳру ноҳияҳо вазифадор карда шуданд, ки ҷиҳати татбиқи пурраи барнома ва ҷалби сармоя дар давраи солҳои 2023-2027 тадбирҳои зарурӣ андешанд.

Таъкид кардан ба маврид аст, ки Барномаи сармоягузории бо таҷҳизоти муосиру каммасрафи барқӣ таъмин намудани пойгоҳҳои обкашии Агентии беҳдошти замин ва обёрӣ бо мақсади амалигардонии ҳадафҳои Стратегияи миллии рушди Ҷумҳурии Тоҷикистон барои давраи то соли 2030, Нақшаи чорабиниҳои Барномаи ислоҳоти соҳаи оби Ҷумҳурии Тоҷикистон барои солҳои 2016-2025 ва дигар санадҳои соҳавӣ оид ба навсозӣ ва барқарорсозии инфрасохтори обёрӣ, пешгирӣ намудани хавфи аз гардиши кишоварзӣ берун мондани заминҳои кишоварзии минтақаи обёрии мошинӣ, инчунин ҷорӣ намудани таҷҳизоти муосиру каммасрафи барқӣ барои сарфа кардани неруи барқ ҳангоми истифодаи пойгоҳҳои обкашӣ таҳия ва пешниҳод гардида, дар маҷлиси навбатии Ҳукумати Ҷумҳурии Тоҷикистон тасдиқ шудааст.

Манбаъ: АМИТ «Ховар»

Нет комментариев

Также рекомендуем

Лоиҳаҳои бомуваффақият дар Kickstarter

Сомонаи Kickstarter тўли 6 соли арзи вуҷуд карданаш барои татбиқи 50 ҳазор ғоя мусоидат кардааст. Системаи краудфандинг бештар ба соҳибони ҷавон ва миёнсолони стартапҳо ҷолиб ...

Сообщить об опечатке

Текст, который будет отправлен нашим редакторам: