Дар ҳудуди МОИ «Кӯлоб» зеристгоҳи барқӣ бунёд мешавад

0
1 889 просмотров

Дар ҳудуди Минтақаи озоди иқтисодии «Кӯлоб» зеристгоҳи барқии 110/35/10 кВ (нуқтаи пайвастшавии зеристгоҳ ба шабакаҳои амалкунандаи барқӣ) бунёд мешавад. Дар ин бора ба хабарнигори АМИТ «Ховар» роҳбари Маъмурияти МОИ «Кӯлоб» Мустафо Абдуллозода иттилоъ дод.

Бо мақсади интихоби мавзеи мувофиқ барои бунёди зеристгоҳи барқӣ намояндагони ШСҲК «Барқи Тоҷик» ва шабакаҳои барқии шаҳри Кӯлоб аз ҳудуди минтақа боздид намуданд. Онҳо имконоти барқтаъминкунии МОИ «Кӯлоб»-ро  мавриди омӯзиш қарор доданд.

Мутахассисон иброз доштанд, ки бунёд намудани зеристгоҳи барқии 110/35/10кВ бо насби 2 адад трансформатори қудрати тавоноияш 2х2500 кВА метавонад дар самти таъмини субъектҳо, корхонаҳои саноатии ҳудуди МОИ «Кӯлоб», аз ҷумла Фурудгоҳи байналмилалии Кӯлоб, минтақаи саноатӣ ва аҳолии атрофи он заминаи устувор гузорад.

Зикр гардид, ки сари вақт бартараф намудани масъалаҳои ҳалталаби ҷойдошта ва таъмини Минтақаи озоди иқтисодии “Кўлоб” бо неруи барқ метавонад барои ҷалби бештари сармояи дохилию хориҷӣ, таъсиси корхонаҳои нави саноатӣ ва ташкили ҷойҳои нави корӣ заминаи воқеӣ ва устувор гузорад.

Манбаъ: АМИТ «Ховар»

Нет комментариев

Также рекомендуем

Боб — трендовая стрижка! (Фотогалерея)

Привычная короткая стрижка, которая остается актуальной всегда. Вариантов стрижки боб на короткие волосы существует очень много, вы можете выбрать более мягкие контуры без резких переходов ...

Сообщить об опечатке

Текст, который будет отправлен нашим редакторам: