Дастаи мунтахаби Тоҷикистон оид ба футбол пеш аз бозиҳои интихобӣ дар Дубай тамринҳои дастҷамъона баргузор мекунад

0
252 просмотров

Дастаи мунтахаби Тоҷикистон таҳти роҳбарии мутахассиси хорватӣ Петр Сегрт дар Дубай ҷиҳати омодагӣ ба марҳилаи интихобии Ҷоми Осиё-2023 ҷамъомади дуҳафтаинаи тамринӣ-таълимӣ анҷом медиҳад. Дар ин бора ба АМИТ «Ховар» дар Федератсияи футболи Тоҷикистон хабар доданд.

Дастаи мунтахаби Тоҷикистон 19 май пас аз анҷоми бозиҳои даври ҳаштуми Лигаи олии кишвар барои ҷамъомади таълимиву тамринӣ ба Дубай сафар мекунад.

Дар ҷамъомади таълимиву тамринӣ, ки то 3 июн идома меёбад, дастаи Тоҷикистон як бозии дӯстона ба нақша гирифтааст. Ҳарифи футболбозони тоҷик дар бозии санҷишӣ рӯзҳои наздик муайян хоҳад шуд.

Ҳайати мукаммали дастаи миллии Тоҷикистон барои ҷамъомади таълимиву тамринӣ дар Амороти Муттаҳидаи Араб, ки 18 май эълон мешавад, 26 бозигарро дар бар мегирад. Аз ин шумора 23 бозигар ба дархости даста барои ширкат дар мусобиқаи интихобии Ҷоми Осиё-2023 шомил карда мешаванд.

Бояд гуфт, ки дар марҳилаи интихобии Ҷоми Осиё-2023 дастаи миллии Тоҷикистон дар гурӯҳи «F» бо Мянмар (8 июн), Сингапур (11 июн) ва Қирғизистон (14 июн) бозӣ мекунад. Ҳамаи бозиҳои гурӯҳи «F» дар шакли мутамарказ дар Бишкек баргузор мешаванд. Ғолибони шаш гурӯҳи интихобӣ ва инчунин панҷ дастаи беҳтарини ҷойҳои дуюмро ишғолкарда ба марҳилаи ниҳоии Ҷоми Осиё-2023 роҳ меёбанд.

Манбаъ: АМИТ «Ховар»

Нет комментариев

Также рекомендуем

ЗОЛОТЫЕ ПРАВИЛА НАСТОЯЩЕЙ ЛЕДИ

Быть обычной женщиной и настоящей леди – не одно и то же. Статус «леди» придает женщине особой значимости в глазах мужчин и обязывает ее соответствовать ...

Сообщить об опечатке

Текст, который будет отправлен нашим редакторам: