Ансамбли асбобҳои халқии зарбиву нафасии Маркази кӯдакон ва наврасони шаҳри Душанбе «Шукуфаҳои пойтахт» дар Фестивали байналмилалии XVI «Земля наш дом» (Замин хонаи мост) соҳиби ҷойи дуюм гардид.
Дар шаҳри Екатеринбурги Русия аз 25 то 30 апрел Фестивали байналмилалии XVI «Земля-наш дом» баргузор гардид. Тоҷикистонро дари ин ҷашнвора ансамбли асбобҳои халқии зарбиву нафасии Маркази кӯдакон ва наврасони шаҳри Душанбе «Шукуфаҳои пойтахт» муаррифӣ намуданд.
Дар ин бора директори Маркази кӯдакон ва наврасони шаҳри Душанбе Комил Холов дар саҳифаи фейсбуки худ хабар додааст. «Ансамбли асбобҳои халқии зарбиву нафасии Маркази кӯдакон ва наврасони шаҳри Душанбе «Шукуфаҳои пойтахт» ширкат ва дар бахши озмунии он сазовори ҷои дуюм гардиданд», — омадааст дар хабарнома.
Манбаъ меафзояд, ки ин Фестивали байналмилалии мусиқии наврасон маротибае дар ду сол баргузор мешавад.
Имсол дар ин чорабинии фарҳангӣ 40 гурӯҳи ҳунарӣ аз кишварҳое чун-Австрия, Белгия, Сербия, Руминия, Чин, Ҳиндустон, Русия, Тоҷикистон ва ғайра ширкат карданд. Мақоми аввалро имсол мусиқачиёни навраси Русия аз худ карданд.
Манбаъ: http://sputnik-tj.com/
Нет комментариев