Шаҳри Душанбе макони баргузории бозиҳои интихобии Чемпионати Осиё-2018 байни наврасони то 16-сола ва ҷавонони то 19-сола интихоб шуд. 21 апрел баъди қуръакашии бозиҳо ҳамгурӯҳони дастаҳои мунтахаби Тоҷикистон муайян мегарданд. Дар синну соли 16-солаҳо 46 даста дар ду гурӯҳ-Шарқ ва Ғарб ҳунарнамоӣ хоҳанд кард. Дар гурӯҳи Ғарб дастаҳои мунтахаб аз 6 гурӯҳи иборат аз 4 даста таркиб меёбанд. Тоҷикистон, Эрон, Қирғизистон, Непал, Қатар ва Арабистони Саудӣ мизбони бозиҳо интихоб шудаанд.
Вохӯриҳо аз 16 то 24 сентябр гузаронида хоҳанд шуд.
Миёни дастаҳои то 19-сола 44 дастаи мунтахаб ширкат менамоянд ва дар 5 гурӯҳ ба мусобиқаҳо мепардозанд. Се гурӯҳ аз панҷ даста ва ду гурӯҳ аз 4 даста таркиб меёбанд. Мизабони бозиҳои интихобӣ дар Осиёи Ғарбӣ- Тоҷикистон, Эрон, Қирғизистон, Қатар ва Арабистони Саудӣ пазируфта шудаанд. Дар Осиёи Шарқӣ низ панҷ гурӯҳ таъсис меёбанд, ки чортоаш аз 4 даста ва яктоаш аз панҷ даста иборат хоҳад буд.
Манбаъ: АМИТ «Ховар»
Нет комментариев