Фирӯза Ҳафизова – сароянда ва раққосаи маъруфу хушсалиқаи Тоҷикистон мебошад. Ӯ 21-уми марти соли 1985 дар шаҳри Қӯрғонтеппа ба дунё омадааст ва алҳол дар шаҳри Душанбе зиндагӣ мекунад.
Дар сӯҳбат бо мо вай гуфт, ки дар суруду таронаҳояш шеърҳои Носири Бухороиро истифода менамояд. Оҳанги сурудҳояшро бошад, сароянда ва оҳангсози маъруфи тоҷик Зикриоллоҳ Ҳакимов эҷод менамояд. Фаъолияти эҷодиашро бо продюсерҳои машҳур ба монанди Диловари Мизроб ва Беҳрӯз Зеваров ба роҳ мондааст.
Фирӯза Ҳафизова соли 2010-ум бо сабт ва омода намудани як 3D клип дар санъати эстрадаи тоҷик машҳур шуд. Кӯшиш менамояд, то қуллаҳои баланди санъатро фатҳ намояд ва ба комёбиву муваффақиятҳои беназир дар зиндагӣ ва фаъолияти хеш ноил гардад.
Дар нуфузи сарояндагони Тоҷикистон мавқеи намоёнро ишғол менамояд. Зеро, пайваста суруду таронаҳои пурмазмун ва рӯҳнавозу дилнишин омода ва пешкаши мухлисони сершумораш менамояд.
Фирӯза шавҳардор ва соҳиби ду духтар бо номҳои Шоира ва Бибиасмо мебошад.
Бояд гуфт, ки Фирӯза аз соли 2012 то соли 2015 аз сабаби таваллуди духтаракаш аз саҳнаи ҳунар каме дур буд.
Фирӯза бо суруди «Тай-тай по мон, аз ман» дар дилу дидаи тоҷикистониён маскан гирифт. Ҳамзамон, сурудҳои машҳураш «Шамолхои Варзоб», «Ана ана ман», «Дуторӣ», «Шаби борон», «Дӯстат дорам», «Ман духтари тоҷикам», «Дил ёр дорае», «Ватан», «Зори зорум»-ро мухлисонаш ба таври ҳамешагӣ зам-зама мекунанд.
Дар самти эҷоди сурудҳои наву дилфиреб ва шуниданӣ барои Фирӯза Ҳафизова барору комёбиҳо таманно менамоем.
Исломҷон Бобоев
Нет комментариев