18 июни соли равон намояндагони ҳокимияти маҳалли аз ноҳияи Бобоҷон Ғафуров ва шаҳри Исфара дар якҷояги бо Фонди Евразии Осиёи Марказӣ — Тоҷикистон, намояндагии Хазинаи Кӯдакони СММ дар Тоҷикистон ва Кирғизистон, Форуми Ҷавонон «Наврасон ва ҷавонон нерӯи ҳамзистии осоишта»-ро ташкил намуданд.
Дар оғоз аз номи мақомоти иҷроияи ҳокимияти давлатии ноҳияи Б. Ғафуров, Азизов Умедчон, инчунин Фаттоев Ибодулло аз мақомоти иҷроияи ҳокимияти давлатии шаҳри Исфара баромад намуданд.
Дар чаҳорчӯбаи ин ташаббус, ки аз тарафи Бунёди “Рушди Сулҳ”-и Созмони Миллали Муттаҳид дастгири шудааст, ҷавонон ва наврасон аз шаҳри Исфара, ноҳияи Бобоҷон Ғафуров ва ноҳияҳои Лейлек ва Баткени Ҷумҳурии Кирғизистон иштирок доранд. Мақсади асосии Форум устувор намудани муносибатҳои ду давлат, сулҳ ва рушд дар ноҳияҳои назди сарҳади, ва ҳамчунин намоиш додани нақшаи муҳими ҷавонон ва наврасон чун нерӯи ҳамзистии осоишта байни ду кишвар, ки дорои салоҳият ва малакаҳои ҳозиразамон оид ба сулҳпарвари ва ҳамзисти мебошад.
Ҳамаи ташаббусҳои ҷавонон, ки дар давоми Форум нишон дода шуд қисми лоиҳаи “Нақши ҷавонон дар сулҳофарӣ ва ҳамгирии иҷтимои дар ноҳияҳои назди сарҳади” мебошад, ки аз тарафи Хазинаи Авруосиёгии Осиёи Марказӣ дар Тоҷикистон, Ташкилоти “Ҷавонони Ош”-и Кирғизистон татбиқ шуда истодааст. Дар доираи ин лоиҳа омӯзиши малакаҳои ҳамгироии иҷтимоӣ барои 753 наврасон гузаронида шуд. Инчунин аз тарафи ҷавонон 12 лоиҳаҳои иҷтимои пешниҳод гаштанд, ки барои зиёд намудани ҳамдигарфаҳми байни ҷомеаҳои назди сарҳади, интиқоли дуҷонибаи фарҳанг равона шудаанд. Дар давоми ин лоиҳа, як қатор ҷавонон дар урдугоҳи фарҳангии “Паём барои Сулҳ” иштирок намудаанд ва дар якҷоягӣ 15 маводҳои расонави оид ба сулҳофари, якдигарфаҳми ва дӯсти истеҳсол намуд.
“Сулҳ ва дӯсти — миллат, ранги пуст ва дин надорад” – мегуяд Исмаилова Датгаим, иштирокчии форум аз ноҳияи Баткени Ҷумҳурии Кирғизистон.
Духтарон ва писарон саҳнаи асосии Форумро ишғол намуданд. Мулоқотҳо, раванди сессияҳои гуногун аз тарафи ҷавонон роҳбарӣ карда шуд, ва иштирокчиёни ҷавон намунаҳои беҳтарини ҳамзисти ва паёми сулҳро ба якдигар нишон доданд.
“Маҳфилҳо ба мисли ин Форум наврасонро бо ҳам мебиерад, ки онҳо дуст мешаванд, дар бораи ҳамдигар маълумот мегиранд, якҷоя лоиҳаро тартиб медиҳанд ва роҳи ҳалли мушкилотро пешкаш мекунанд ки ин ба ҳамдигарфаҳмӣ ва ҳамгироии иҷтимоӣ саҳм мегузорад. Ҳамин хел наврасон дар ҷамоатҳои худ ба пешбарандагони таблиғоти ҳамгироии иҷтимоӣ табдил меёбанд ва тағиротҳои мусбӣ мерасонанд ” гуфт Хушбахт Ҳоҷиев, Сардори Барномаи наврасони ЮНИСЕФ Тоҷикистон.
Дар анҷоми Форум, ҷавонон ва наврасон ба қарор омаданд, ки агар имконият пешниҳоди онҳо карда шавад, ин ҷавонон ва наврасон нақшабохи аз ин ҳам бузургтарро барои пеш бурди муносибатҳои байналмиллаи, рушди савдо ва ҳамкори байни ҷомеаҳои худ ва фарогири иҷтимоии хоҳанд гашт.
Нет комментариев