Онлайн-тарҷумон Google Translate акнун барои мустақиман тарҷума кардани матн ба забони русӣ, ветнамӣ ва ҳиндӣ аз нейрошабакаҳо истифода мебарад, хабар дода мешавад дар блоги расмии Google.
Хотиррасон мекунем, ки моҳи сентябри соли 2016-ум ширкати Google дар бораи ба онлайн-тарҷумони худ, яъне Google Translate павайст намудани шабакаи нейронии Google Neural Machine Translation (GNMT)-ро эълон карда буд. Ин шабака бо ёрии омӯзиши чуқур ва тартиб додани манбаи мазмуни асосии калимаҳои забонҳои гуногун рушд ёфт. Мувофиқи баҳодиҳии мутахассисони ширкат нейрошабака бояд, ки сифати тарҷумаи мустақимро аз як забон ба забони дигар баланд бардорад.
6 моҳ қабл, пас аз ба кор даровардани лоиҳа муҳандисони Google мунтазам доираи забонҳои нейрошабакаҳоро васеъ карданд. Дар аввал нейрошабака ба коркард намудани забони олмонӣ, фаронсавӣ, испонӣ, португолӣ ва дигар забонҳои аврупоӣ шурӯъ кард. Ба ғайр аз ин, шабакаи нейронӣ забони чинӣ, корегӣ ва туркиро низ меомӯзад. Дар маҷмӯъ нейрошабака, дар даври аввал 35% забонҳои аҳолии сайёраро фаро гирифт.
Ба ғайр аз ин, корбарии гузаронидашуда оид ба ҷамъоварӣ ва таҳлил намудани мазмуни калимаҳо ба муҳандисон имкон дод, ки барои ҷуфти забонҳо, ки пештар ин чиз мавҷуд набуд, тарҷумон созанд, аз қабили ҷуфти забони «Англисӣ — Ҷопонӣ».
Нет комментариев