Содиршавии ҳодисаҳои роҳу нақлиётӣ дар роҳҳои нақлиётгарди ҳудуди вилояти Суғд бо иштироки пиёдагардон, хосатан кӯдакону наврасони то 16- сола боиси нигаронии кормандони БДА-и вилоят гардидааст.
Чанде қабл дар ноҳияи Бобоҷон Ғафуров беэҳтиётии ронандаи мошин ба содиршавии боз як ҳолати садамаи наклиётӣ бо иштироки ноболиғи 10- сола расонид.
Тавре ки ба АМИТ “Ховар” аз маркази матбуоти Бозрасии давлатии автомобилии вилояти Суғд иттилоъ доданд, мувофиқи таҳлилҳои расмӣ дар давоми 11 моҳи соли ҷорӣ дар роҳҳои мошингарди қаламрави вилоят бо иштироки кӯдакону наврасони то 16- сола 76 ҳодисаи роҳу нақлиётӣ рух додааст, ки бар асари он 23 кӯдаку наврас ба ҳалокат расида, 62 нафари дигар ҷароҳати гуногуни ҷисмонӣ бардошт.
Дар ҳудуди ноҳияи Бобоҷон Ғафуров дар ин муддат бо иштироки кӯдакону наврасони то 16-сола 16 ҳодисаи роҳу наклиётӣ рух дод, ки боиси ба ҳалокат расидани 4 кас ва ҷароҳати гуногун бардоштани 15 каси дигар гашт.
Дар ин бора khovar.tj хабар медиҳад.
Барои ба садама чудор нашудан ба ронандагон гуфтаниям ки сурати харакатро баланд набардошта эхтиёткорона наклиёти худро ронанд ва аз пиёдагардон хохиш мекунам, ки аз чои муаян шуда гузаранд ки боиси инхе ходиса нагарданд
Аз хамаи модарон,падарон хохиш мекунам ки кудаконро танхо ба сафар рафтанро нагузоред
Аз сабаби сахт рондани мошин кудакон,дигар пиёдаргдон ба халокат мерасанд,баъзан пиёдагардон низ гунакор
ба халокати кудакон бисер тар ронандагони чавон мегарданд
Рахмат барои хабар.