Тарбуз дар таркибаш 90-95 фоиз об дорад ва он шифобахш аст, чун оби тарбуз дистиллатсияшуда мебошад. Табибон тарбузро беҳтар ғизои парҳезӣ барои онҳое донистаанд, ки аз фарбеҳи ранҷ мебаранд ва мегӯянд, гирифторони фарбеҳи бо осонӣ метавонанд, вазнашонро коҳиш диҳанд. Дилаи тарбуз, дона ва ҳатто пӯчоқи он хосияти табобатӣ дорад. Барои таъмини шабонарӯзии ҷисм бо магний хурдани 150 грамм тарбуз кофист. Касоне, ки гирифтори фишори баланди хунанд, бояд ҳатман ба номгӯйи ғизои рӯзмарраашон тарбузро ҳамроҳ намоянд. Тарбуз холестеринро аз ҷисм берун мекунад, ки зимни бемориҳои дилу раг муҳим аст. Миёни тамоми набототи дигар тарбуз хосияти қавии пешобронӣ дорад. Ин хосияти тарбуз дар пӯчоқи он низ эҳсос мешавад. Аз пӯчоқи тарбуз ҷӯшобае тайёр кардан мумкин аст, ки барои муолиҷаи бемориҳои дилу гурда кӯмак мерасонанд. Чунин муолиҷаро тамоми сол метавон идома дод. Донаи тарбуз ҳам барои шустани санги гурда ва ҳам барои нест кардани кирм (гелминт)-ҳо воситаи хубе мебошад. Дар ин бобат донаи тарбуз бо донаи каду рақобат карда метавонад.
Истеъмоли зиёди чормағз вазни одамро коҳиш медиҳад
Ба гуфтаи муҳаққиқон, илова бар масрафи салад ва чои сабз, режими ғизоии ҳовии чормағз ҳам ба коҳиши вазн кӯмак мекунад. Ба гузориши радиои тоҷикӣ, мутолиаи ...
Нет комментариев