«Хуҷанд» ба зинаи аввали ҷадвали лигаи олии Чемпионати Тоҷикистон баромад

0
604 просмотров

26-27 июн  дар варзишгоҳҳои мамлакат бозиҳои  даври ёздаҳуми Чемпионати Тоҷикистон оид ба футбол миёни дастаҳои лигаи олӣ баргузор шуданд.   Аз панҷ  бозии баргузоршуда чор бозӣ  бо ҳисоби мусовӣ ҷамъбаст гардид.

Дар бозии аввали ин  давр  дастаи  «Хуҷанд»-и шаҳри Хуҷанд бар дастаи  «Эсхата»-и шаҳри Хуҷанд бо ҳисоби  калони 5:1 ғалаба карда, ба ҷои аввали ҷадвали чемпионат баромад. Дар ҳайати дастаи футболи  «Хуҷанд»  Абдулмуъмин Забиров ва Дилшод Бозоров дуголӣ заданд. Як голи дигарро Тоҳир Малодӯстов ба нишон расонид.

Чор бозии дигари даври мазкур  бошад, бо ҳисоби  мусовӣ анҷом ёфтанд: бозӣ миёни дастаҳои футболи  КМВА-и шаҳри Душанбе  бо  «Куктош» бо ҳисоби 2:2, «Хатлон»-и шаҳри Бохтар  бо  «Истаравшан»-и шаҳри Истравшан бо ҳисоби  0:0, «Равшан»-и шаҳри Кӯлоб  бо  «Истиқлол»-и шаҳри бо натиҷаи 1:1 ва «Душанбе»-и шаҳри Душанбе  бо  «Файзканд»-и ноҳияи Восеъ бо  ҳисоби  1:1 ба қайд гирифта шуд.

Ёдовар мешавем,ки бозиҳои даври навбатии Чемпионати Тоҷикистон оид ба футбол миёни дастаҳои лигаи олӣ 3-4 июли соли равон баргузор мешаванд. Дар даври навбатӣ дастаҳои футболи  «Истаравшан»-и шаҳри Истаравшан бо «Душанбе»-и шаҳри Душанбе, «Куктош»-и ноҳияи Рӯдакӣ бо «Хатлон»-и шаҳри Бохтар, «Истиқлол»-и шаҳри Душанбе  бо «Эсхата»-и шаҳри Хуҷанд, «Файзканд»-и ноҳияи Восеъ бо «Хуҷанд»-и шаҳри Хуҷанд  ва «Равшан»-и шаҳри  Кӯлоб  бо КМВА-и шаҳри Душанбе байни ҳам рақобат мекунанд.

 

ДАСТАҲО Б Ғ М Б ГОЛҲО     ФАРҚ    Х     
1      «Хуҷанд» (ХУҶАНД) 10 6 1 3 23-13 +10 19
2 «Эсхата» (ХУҶАНД) 11 5 2 4 20-20 0 17
3 «Хатлон» (БОХТАР) 10 4 4 2 11-8 +3 16
4 «Равшан» (КӮЛОБ) 10 3 4 3 13-13 0 13
5 «Истаравшан» (ИСТАРАВШАН) 10 3 4 3 10-10 0 13
6 «Файзканд»(ВОСЕЪ) 10 3 4 3 10-10 0 13
7 «Куктош»(РӮДАКӢ) 11 3 3 5 13-20 -7 12
8 «Истиқлол»(ДУШАНБЕ) 5 3 2 0 9-3 +6 11
9 «Душанбе»(ДУШАНБЕ) 10 2 4 4 15-20 -5 10
10 КМВА (ДУШАНБЕ) 11 1 4 6 12-19 -7 7

Манбаъ: АМИТ «Ховар»

Нет комментариев

Также рекомендуем

Финка бо кӯдакон аст

Дар «Маркази солимгардонии норасои ва ҳифзи кўдакон»-и шаҳри Хуҷанд 43 нафар кўдакон ва наврасони аз 7 то 17 сола   аз ҳар  минтақаи вилояти Суғд,  ки ...

Сообщить об опечатке

Текст, который будет отправлен нашим редакторам: