Хуҷанд: МНДСЭ зиёда аз 60 метр кӯчаи шаҳрро мумфарш кард

0
701 просмотров

Аҳли заҳмати Маркази назорати давлатии санитарию эпидемологии шаҳри Хуҷанд бо мақсади ҳиссагузорӣ ба ободии шаҳри бостонии як қисми роҳи кӯчаи Сангинбой Полвоновро, ки беш аз 300 метри квадратиро ташкил медиҳад, бо дарозии зиёда аз 60 метру бо сарфи 22 ҳазору 500 сомонӣ мумфарш карданд.
Роҳбарияти Маркази Маркази назорати давлатии санитарию эпидемологии шаҳри Хуҷанд таъкид намуданд, ки ин тадбир дар партави дасту ҳидоятҳои Асосгузори сулҳу Ваҳати миллӣ, Пешвои миллат, Президенти мамлакат муҳтарам Эмомалӣ Раҳмон ҷиҳати ободу хуррамнамоии кӯчаву тангкӯчаҳои шаҳри Хуҷанд амалӣ гардида истодааст ва ин иқдом дар моҳи шарифи Рамазон фазилати неку савоб арзёбӣ мегардад.
Воқеан ҳам ободии шаҳр, аз кӯчаву маҳал ва коргоҳҳо оғоз шуда, маҷмуаън ба ободии кулли он оварда мерасонад. Ва ин тадбири муҳими созандаи Марказ бояд ба идораву ташкилотҳои шаҳр новобаста ба шакли моликият намунаи ибрат бошад.
Воқеан ҳам имрӯзҳо дар қаламрави кишвар баҳри истиқболи сазовори 30-солагии Истиқлолияти давлатии Ҷумҳурии Тоҷикистон корҳои созандагию бунёдкорӣ ва ободонӣ вусъати тоза мегирад. Он дар асоси Фармони Президенти Ҷумҳурии Тоҷикистон аз 19 декабри соли 2017, № 968 «Дар бораи ҷашни 30-солагии Истиқлолияти давлатии Ҷумҳурии Тоҷикистон», қарори Раиси вилояти Суғд аз 14 марти соли 2018, № 89 «Дар бораи вусъат бахшидан ба корҳои созандагию бунёдкорӣ, ободию кабудизоркунии маҳали зист ва сазовор истиқбол гирифтани ҷашни 30-солагии Истиқлолияти Ҷумҳурии Тоҷикистон» ва қарори Раиси шаҳри Хуҷанд аз 9 апрели соли 2018, № 179 «Дар бораи эълон намудани 1300 рӯзи ободонию созандагӣ ба истиқболи 30-солагии Истиқлолияти давлатии Ҷумҳурии Тоҷикистон» роҳандозӣ гаштааст. Баробари ба тасвиб расидани фармону қарорҳои дар боло зикршуда, тамоми ташкилоту муассисаҳои шаҳри бостонии Хуҷанд нақша –чорабиниҳо тартиб доданд ва фаъолияти худро дар асоси он ба роҳ монданд.
Дар як фосилаи кӯтоҳ Маркази назорати санитарию эпидемологии шаҳри Хуҷанд ободу зебо гардидааст.
 

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Сообщить об опечатке

Текст, который будет отправлен нашим редакторам: