Хуҷандамонро чун ҳамеша дӯст ва муҳити онро тоза нигоҳ дорем (ВИДЕО)!

0
3 802 просмотров

Ҳамон тавре бохабар ҳастед, якуним моҳ аст, ки ШТРР “Тирози Ҷавонӣ” ва Медиапортали “Тироз” Лоиҳаи “Харитаи экологӣ”-и шаҳри Хуҷандро бо дастгирии Мақомоти иҷроияи ҳокимияти давлатии шаҳри Хуҷанд дар амал татбиқ карда истодааст.

Дар Лоиҳаи «Харитаи экологӣ»-и шаҳри Хуҷанд 10 маҳалла ва микроноҳияи шаҳр мавриди санҷиш ва таҷриба қарор доранд, ки инҳо: маҳаллаҳои Пахтакор, Раззоқ, Панҷшанбе, Гулбаҳор, Бофандаи соҳили чапи дарё ва микроноҳияҳои 8-ум, 13-ум, 20-ум, 32-юм ва 34-уми соҳили рости дарё мебошанд.

Шаҳрвандони синну сол ва касбу кори гуногун дар амалишавии Лоиҳа фаъолона саҳм мегузоранд. Онҳо аксҳои мавҷуд будани партовро дар кӯчаву хиёбон, назди биноҳои истиқоматӣ бо таҷҳизоти мобилии хеш гирифтаашонро тавассути Вотсапп ва Вайбер ба рақами 92-882-66-66 фиристоданд.

Ҳамаи аксҳои фиристодаи онҳо ба таври фаврӣ дар бахши “Эко-Хуҷанд”-и Медиапортали “Тироз” www.tiroz.org ҷой дода шуданд.

Хотиррасон менамоем, ки ҳадафи асосии лоиҳа ҷалби шаҳрвандон ба масъалаи тозагии муҳити зист ва баланд бардоштаи маърифати экологии сокинон аст. Ҳар яки Шумо-хонандагони арҷманд низ метавонед дар амалишавии Лоиҳаи “Харитаи экологӣ”-и шаҳри Хуҷанд саҳмгузор бошед. Фаъолонро албатта тӯҳфаҳои арзишманд интизор аст!

Биёед дӯстон Хуҷандамонро чун ҳамеша дӯст ва муҳити онро тоза нигоҳ дорем!

 

Нет комментариев

Также рекомендуем

Мақоми сеюми човандозони тоҷик дар Остона

Чобуксаворони мунтахаби Тоҷикистон оид ба бузкашӣ дар мусобиқоти фароҷаҳонӣ, ки дар шаҳри Остонаи Қазоқистон сурат гирифт, мақоми сеюми ифтихориро ишғол намуданд. Ин чорабинии сатҳи ҷаҳонӣ ...

Сообщить об опечатке

Текст, который будет отправлен нашим редакторам: