Нақшаи даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистон дар вилоят ба андозаи 95,5 фоиз иҷро шуд. То ба санаи 16 май шаҳру ноҳияҳои Гулистон, Бӯстон, Истаравшан, Деваштич, Айнӣ, Ашт, Зафаробод, Кӯҳистони Мастчоҳ, Спитамен, Ҷаббор Расулов ва Шаҳристон нақшаи пешбинишударо пурра иҷро намудаанд. Дар шаҳру навоҳии боқимонда даъвати ҷавонон ба Артиши миллӣ идома дошта, дар назар аст, ки рӯзҳои наздик нақшаи муайянгардида пурра иҷро шавад. Ҷоиз ба таъкид аст, ки моҳҳои апрел-майи соли 2017 дар ҳудуди вилоят шаҳрвандоне, ки то рӯзи даъват ба синни 18 мерасанд, инчунин шаҳрвандони синну солашон калон, ки ҳуқуқи ба таъхир андохтани мӯҳлати даъват ё озод будан аз даъват ба хизмати ҳарбиро надоранд, барои хизмат ба сафҳои Қувваҳои Мусаллаҳи Ҷумҳурии Тоҷикистон даъват карда мешаванд.
Манбаъ: www.sugd.tj
Нет комментариев