Имрӯз дар Душанбе ҷаласаи муштараки ШВКХ, ШВМ ва ККША СААД баргузор мешавад.

0
139 просмотров

Имрӯз, 15 сентябр дар шаҳри Душанбе таҳти раёсати Вазири корҳои хориҷии Ҷумҳурии Тоҷикистон Сироҷиддин Муҳриддин ҷаласаи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯроҳои амниятии кишварҳои узви Созмони Аҳдномаи амнияти дастҷамъӣ (СААД) баргузор мегардад. Дар ин бора ба мухбири АМИТ «Ховар» аз  Вазорати корҳои хориҷии Ҷумҳурии Тоҷикистон хабар доданд.

Ба иттиллои Вазорати корҳои хориҷии Тоҷикистон, зимни ҷаласаи муштарак роҳбарони ҳайатҳо оид ба вазъи низомӣ-сиёсии минтақаҳои амнияти дастҷамъии СААД мубодилаи афкор менамоянд ва рафти иҷрои Нақшаи чорабиниҳо оид ба иҷрои қарорҳои ҷаласаи Шӯрои амнияти дастаҷамъӣ ва татбиқи самтҳои афзалиятноки пешниҳоднамудаи Ҷумҳурии Тоҷикистонро, ки 18 феврали соли 2021 аз ҷониби Президенти Ҷумҳурии Тоҷикистон Эмомалӣ Раҳмон тасдиқ шудааст, муҳокима хоҳанд кард.

Аз сӯи ҷонибҳо маълумоти Дабири кулли СААД Станислав Зас дар бораи ҷараёни омодасозии лоиҳаи Барномаи мақсадноки байнидавлатии СААД оид ба таҳкими сарҳади Тоҷикистону Афғонистон ва Вазири корҳои хориҷии Ҷумҳурии Арманистон Арарат Мирзоян оид ба самтҳои авлавиятноки фаъолият дар давраи раёсати Арманистон дар Созмон шунида хоҳад шуд.

Дар натиҷаи ҷаласаи муштарак қабули беш аз 20 қарор ба нақша гирифта шудааст.

Дар анҷоми ҷаласаи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯроҳои амниятии кишварҳои узви Созмони Аҳдномаи амнияти дастаҷамъӣ (СААД) изҳороти матбуотӣ бо иштироки Вазири корҳои хориҷии Ҷумҳурии Тоҷикистон ва Дабири кулли СААД баргузор мегардад.

Манбаъ: АМИТ Ховар

Нет комментариев

Также рекомендуем

Спикеры парламентов стран СНГ примут участие в Невском экологическом конгрессе

Межпарламентская Ассамблея государств – участников СНГ, Совет Федерации Федерального Собрания Российской Федерации и Исполнительный комитет СНГ проведут 28–29 мая в Санкт-Петербурге в Таврическом дворце 7-й ...

Сообщить об опечатке

Текст, который будет отправлен нашим редакторам: