Агентии обуҳавошиносии Тоҷикистон ба таваҷҷуҳи шаҳрвандон мерасонад, ки имрӯз дар ҷумҳурӣ ҳавои тағйирёбандаи абрнок ва дар баъзе ҷойҳо боридани борону барф дар назар аст.
«Имрӯз, 15 декабр дар Вилояти Мухтори Кӯҳистони Бадахшон ҳавои абрноки тағйирёбандаи бебориш, дар баъзе ҷойҳо боридани барфи кӯтоҳмуддат пешгӯӣ мегардад. Ҳаво дар ғарби вилоят шабона 0-5 ва дар баъзе ҷойҳо 6-11 дараҷа хунук ва рӯзона 0-5 дараҷа гарм мешавад. Дар шарқи ин вилоят шабона 14-19, дар баъзе ҷойҳо то 20-25 ва рӯзона 8-13 дараҷа хунук мешавад»,-иттилоъ дод манбаъ.
Ба иттилои Агентии обуҳавошиносӣ 15 декабр дар вилояти Хатлон ҳавои тағйирёбандаи абрнок, бебориш, баъзан фаромадани туман пешгӯӣ шуда, шамол аз самти шарқ 2-7 метр дар як сония мевазад. Ҳаво дар водиҳо шабона 0-5 дараҷа хунук ва рӯзона 7-12 дараҷа гарм мешавад.
Обуҳавошиносон иттилоъ доданд, ки имрӯз дар вилояти Суғд ҳавои тағйирёбандаи абрнок ва бебориш пешбинӣ шуда, шамол аз самти шарқ 3-8 метр дар як сония мевазад. Ҳаво дар водиҳо шабона 1-6 дараҷа хунук ва рӯзона 2-7 дараҷа гарм мешавад.
Дар шаҳру ноҳияҳои тобеи марказ ҳавои тағйирёбандаи абрнок ва бебориш, дар баъзе ҷойҳо фаромадани туман дар назар дошта шуда, шамол аз самти шарқ 2-7 метр дар як сония мевазад. Ҳарорат дар водиҳо шабона 4-9 дараҷа хунук, рӯзона 0-5 дараҷа гарм ва дар баъзе ҷойҳо то 0-5 дараҷа хунук мешавад.
Дар шаҳри Душанбе ҳавои абрноки бебориш пешгӯӣ шуда, шамол аз самти шарқ 0-5 метр дар як сония мевазад. Ҳаво шабона 6-8 дараҷа хунук ва рӯзона 7-9 дараҷа гарм мешавад.
Нет комментариев