Иштироки филми кӯтоҳи «Этюд» дар Фестивали 45-уми байналмилалии Гризлони Олмон

0
1 061 просмотров

Филми кӯтоҳи бадеии «Этюд»-и Муассисаи давлатии «Тоҷикфилм», ки коргардони он Мумин Латифӣ мебошад, аз  21-24 апрел дар Фестивали 45-уми байналмилалии Гризлони шаҳри Слеби Олмон иштирок мекунад, иттилоъ дод ба АМИТ «Ховар» коргардони тоҷик Файзулло Файзов.

«Этюд» филми нахустини коргардон Мумин Латифӣ- хатмкардаи шуъбаи коргардонии Донишкадаи санъат ва фарҳанги Тоҷикистон ба номи Мирзо Турсунзода мебошад.

Ин филм дар Муассисаи давлатии «Тоҷикфилм» ба навор гирифта шуда, давомнокияш 16 дақиқа мебошад. Филм дар жанри драмаи варзишӣ ба навор омадааст. Он дар бораи писаре нақл мекунад, ки дар оилаи навозанда таваллуд шуда, ба воя расидааст. Падару модараш мехоҳанд, ки ӯ ба мусиқӣ машғул шавад, аммо писарбача ба футбол таваҷҷуҳ дорад.

Ёдовар мешавем, ки филми мазкур дар  Фестивали 30-юми байналмилалии кушоди кишварҳои ИДМ ва Балтика «Киношок» дар шаҳри Анапаи Краснодари Русия ва  дар  Фестивали 12-уми байналмилалии филмҳои варзишии Барселона иштирок намудааст.

Манбаъ: АМИТ «Ховар»

Нет комментариев

Также рекомендуем

Вазъи ҳавои кишвар барои 24 ва 25-уми феврал

Аз рӯйи маълумоти мутахассисони Маркази обуҳавошиносии Тоҷикистон, рӯзҳои 24-26-уми феврал дар ҷумҳурӣ ҳавои ноустувор боқӣ монда, дар водиҳо борону барф ва дар кӯҳҳо барф меборад. ...

Сообщить об опечатке

Текст, который будет отправлен нашим редакторам: