Сафири Ҷумҳурии Тоҷикистон дар Ҷумҳурии Мардумии Чин Парвиз Давлатзода дар маросими ифтитоҳи Намоишгоҳи 7-уми байналмилалии «China-Eurasia Expo», ки 20 декабри соли равон дар Пекин доир гардид, иштирок ва суханронӣ намуд.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар суханронии худ Сафир ба ташкилкунандагони чорабинӣ барои даъвати ҷониби Тоҷикистон ҷиҳати иштирок дар ин намоишгоҳ изҳори сипос намуда, таъкид кард, ки Намоишгоҳи 7-уми байналмилалии «China-Eurasia Expo» заминаи муносибро барои ба роҳ мондани робитаҳои иқтисодию тиҷоратӣ фароҳам меорад.
Парвиз Давлатзода афзуд, ки баргузории намоишгоҳ барои муаррифии маҳсулоти кишварҳои Аврупо ва Осиё, хусусан воридоти маҳсулоти Тоҷикистон ба Чин мусоидат хоҳад кард.
Манбаъ: АМИТ «Ховар»
Нет комментариев