Дар пойтахти Малайзия шаҳри Куала Лумпур маросими қуръакашии мусобиқоти Ҷоми Конфедератсияи футболи Осиё дар марҳилаи нимниҳоии минтақавӣ баргузор шуд. Ҳарифи қаҳрамони Тоҷикистон дастаи “Истиқлол” ғолиби ҷуфти минтақаи Укёнус “Хоум Юнайтед”-и Сингапур ва “Серес”-и Филиппин хоҳад буд. Дастаи “Истиқлол” бозии аввалини даври нимниҳоиро дар майдони худ баргузор мекунад. Бозиҳои аввали мусобиқаи мазкур рӯзҳои 22-23-юми август ва бозиҳои ҷавобӣ бошанд, 12-13-уми сентяби соли ҷорӣ баргузор мешаванд. Пеш аз оғози қуръакашӣ қаҳрамони Тоҷикистон бошгоҳи футболи “Истиқлол”-и Душанбе барои пирӯз омадан дар марҳилаи гурӯҳии Ҷоми КФО-2017 дар минтақаи марказ бо сертификати махсус қадрдонӣ шуд. Ба ҷуз дастаи “Истиқлол” ҳамчунин ғолибони дигар дар мусобиқаи мазкур ва Лигаи чемпионҳои Осиё диплом ва ифтихорномаи котиби генералии КФО Дато Виндзора Ҷонро дарёфт карданд.
Манбаъ: www.varzishtv.tj
Нет комментариев