Имрӯз, 1-уми ноябр дар Варзишгоҳи марказии шаҳри Кӯлоб 32-юмин мусобиқаи Ҷоми Тоҷикистон баргузор гардид. Дар бозии ниҳоӣ «Истиқлол»-и Душанбе ва «Равшан»-и Кӯлоб андари майдони рақобат шуданд. Вохӯрии дастаҳо бо ҳисоби мусовии 1 бар 1 анҷом ёфт ва дар силсила зарбаҳои 11 метра, бозигарони дастаи “Истиқлол” бо ҳисоби 4 бар 2 музаффарият ба даст оварданд.
Вақти асосии бозӣ бидуни гол анҷом ёфт. Дар ин миёни дифоъгари “Истиқлол” – Табрез Исломов корти сурх гирифта, тарки майдон кард. Нахуст ҳисобро дар дақиқаи 100-уми бозӣ пас аз иштибоҳи дифоъгар Содиқҷон Қурбонов ҳамлагари аз ҳайати захиравӣ ба майдон омадаи “Равшан” — Жозеп Акомади боз кард. Бо гузаро шудани 7 дақиқа дифоъгари “Истиқлол” – Содиқҷон Қурбонов иштибоҳашро ҷуброн карда, ҳисобро баробар намуд.
Дар идомаи рақобат дигар мо шоҳиди гол нагардидем ва бозӣ ба силсила зарбаҳои 11 метра рафт. Дар иҷрои силсила зарбаҳои 11 метра дастаи “Истиқлол” фаъол буд ва тавонист, ки бо ҳисоби 4 бар 2 пирӯзӣ ба даст орад.
Ёдовар мешавем, ки дар таърихи Ҷоми Тоҷикистон дастаҳои «Истиқлол» ва «Равшан» то имрӯз дар финал бо ҳам вонахӯрда буданд ва имрӯз дар аввалин мубориза футболбозони шаҳри Душанбе музаффар гардиданд.
Футболбозони «Истиқлол» 14 маротиба ба финал баромада, 10 бор Ҷомро ба даст овардаанд. «Равшан» (соли 2003 даста «Олимп-Ансол» ном дошт) се маротиба ба финали Ҷоми Тоҷикистон роҳ ёфта, ду бор – солҳои 1994 ва 2020 соҳиби Ҷом шуда буд.
Ҳамаи финалҳои Ҷоми Тоҷикистон (1992-2023):
1992 – «Помир» (Душанбе) – «Регар» (Турсунзода) – 1:0
1993 – «Ситора» (Душанбе) – «Равшан» (Кӯлоб) – 0:0 (пеналти 5:3)
1994 – «Равшан» (Кӯлоб) – «Шодмон» (Ҳисор) – 2:1
1995 – «Пахтакор» (Ҷаббор Расулов) – «Регар-ТадАЗ» (Турсунзода) – 0:0 (пеналти 3:2)
1996/1997 – «Вахш» (Қурғонтеппа) – «Хуҷанд» (Хуҷанд) – 4:0
1997/1998 – «Хуҷанд» (Хуҷанд) – «Ранҷбар» (Восеъ) – 2:1
1998 – «Варзоб» (Душанбе) – «Хуҷа Каримов» (Ғозималик) – 3:1
1999 – «Варзоб» (Душанбе) – «Регар-ТадАЗ» (Турсунзода) – 0:0. (пеналти 4:2)
2000/2001 – «Регар-ТадАЗ» (Турсунзода) – «Варзоб» (Душанбе) – 4:2
2001/2002 – «Регар-ТадАЗ» (Турсунзода) – «Хуҷанд» (Хуҷанд) – 3:1
2002 – «Хуҷанд» (Хуҷанд) – «Вахш» (Қурғонтеппа) – 3:0
2003 – «Вахш» (Қурғонтеппа) – «Олимп-Ансол» (Кӯлоб) – 3:1
2004 – «Авиатор» (Бобоҷон Ғафуров) – «Уротеппа» (Истаравшан) – 5:0
2005 – «Регар-ТадАЗ» (Турсунзода) – «Вахш» (Қурғонтеппа) – 1:1 (пеналти 3:1)
2006 – «Регар-ТадАЗ» (Турсунзода) – «Хима» (Душанбе) – 2:1
2007 – «Парвоз» (Бобоҷон Ғафуров) – «Хима (Душанбе) – 1:0
2008 – «Хуҷанд» (Хуҷанд) – «Энергетик» (Душанбе) – 2:1
2009 – «Истиқлол» (Душанбе) – КМВА «Помир» (Душанбе) – 3:1
2010 – «Истиқлол» (Душанбе) – «Хуҷанд» (Хуҷанд) – 5:0
2011 – «Истиқлол» (Душанбе) – «Регар-ТадАЗ» (Турсунзода) – 0:1
2012 – «Истиқлол» (Душанбе) – «Регар-ТадАЗ» (Турсунзода) – 1:1 (пеналти 5:6)
2013 – «Истиқлол» (Душанбе) – «Регар-ТадАЗ» (Турсунзода) – 2:0
2014 – «Истиқлол» (Душанбе) – «Регар-ТадАЗ» (Турсунзода) – 5:2
2015 – «Истиқлол» (Душанбе) – «Регар-ТадАЗ» (Турсунзода) – 2:2. (пеналти 6:5)
2016 – «Истиқлол» (Душанбе) – «Ҳосилот» (Фархор) – 2:2. (пеналти 3:2)
2017 – «Истиқлол» (Душанбе) – «Хуҷанд» (Хуҷанд) – 0:2
2018 – «Истиқлол» (Душанбе) – «Регар-ТадАЗ» (Турсунзода) – 1:0
2019 – «Истиқлол» (Душанбе) – «Регар-ТадАЗ» (Турсунзода) – 2:2. (пеналти 4:2)
2020 – «Равшан» (Кӯлоб) – «Хатлон» (Бохтар) – 1:0
2021 – «Истиқлол» (Душанбе) – «Хуҷанд» (Хуҷанд) – 0:2
2022 – «Истиқлол» (Душанбе) – «Кӯктош» (Рӯдакӣ) – 2:2. (пеналти 5:4)
2023 – «Истиқлол» (Душанбе) – «Равшан» (Кӯлоб) – 1:1 (пеналти 4:2)
Манбаъ: ТВ-Варзиш
Нет комментариев