«Истиқлол» дар даври чордаҳум дастаи «Хуҷанд»-ро бо ҳисоби калон- 10:1 шикаст дод

0
2 073 просмотров

Дар майдони «Авиатор»-и шаҳри Душанбе даври 14-уми Чемпионати Ҷумҳурии Тоҷикистон оид ба футбол миёни дастаҳои Лигаи олӣ- «Истиқлол»-и Душанбе ва «Хуҷанд»-и Хуҷанд баргузор гардид. Дастаи футболи «Истиқлол» дар ин вохӯрӣ дастаи меҳмонро бо ҳисоби ниҳоят калон шикаст дод.
Бозингарони тими «Хуҷанд» имкон доштанд то дақиқаи 30-юми бозӣ ҳисобро 3:0 намоянд, аммо ду бор Дилшод Бозоров ва як маротибаи дигар Марфиҷон Марифбоев имкониятҳои хуби голзаниро аз даст доданд.
Бозингарони дастаи «Истиқлол» тавонистанд дар даҳ дақиқаи охири нимаи аввали бозӣ ба дарвозаи тими «Хуҷанд» чор голи беҷавоб зананд. Нахустин голро Дэвид Мавутор дар дақиқаи 36-уми бозӣ зад. Манучеҳр Ҷалилов дар дақиқаи 38-ум, Фатҳулло Фатҳуллоев дар дақиқаи 43-юм ва як дақиқа баъд Ҷаҳонгир Алиев як бори дигар тӯбро ба дарвозаи меҳмонон ворид карданд.
Дар нимаи дуюми бозӣ тӯб комилан дар ихтиёри футболбозони дастаи «Истиқлол» буд ва бозӣ аксаран дар атрофи дарвозаи тими «Хуҷанд» сурат гирифт. Футболбозони дастаи мизбон 6 бори дигар тӯбро вориди дарвозаи меҳмонон карданд. Голҳоро Нозим Бобоҷонов, Дэвид Мавутор, Манучеҳр Ҷалилов ва Ҷаҳонгир Алиев заданд.
Ёдовар мешавем, ки футболбозони дастаи «Истиқлол» Манучеҳр Ҷалилов ва Давид Мавутор дар ин бозӣ хетт- трик анҷом доданд. Ҷаҳонгир Алиев дублро ба номи худ сабт кард.
Хотиррасон менамоем, ки голи ягонаи тими «Хуҷанд»-ро Фарҳод Тоҳиров дар дақиқаи 79-уми бозӣ аз тариқи зарбаи ҷаримавии 11 метра ба дарвозаи «Истиқлол» зад.
Пас аз ин пирӯзӣ бо ҳисоби калони 10:1 дастаи «Истиқлол» барои ба даст овардани медали тиллои чемпионат боз як қадам наздиктар шуд. Ба дастаи «Истиқлол» барои панҷумин бор Чемпиони Тоҷикистон шудан кофист, ки аз панҷ бозии боқимонда дар сетояш пирӯз гардад.

Манбаъ: АМИТ «Ховар»

Нет комментариев

Также рекомендуем

Турция получит ракетные комплексы С-400 в июле

Москва поставит Анкаре системы противоракетной обороны уже в июле, подтвердил помощник президента России. Россия планирует поставить свои системы противоракетной обороны C-400 в Турцию в июле. ...

Сообщить об опечатке

Текст, который будет отправлен нашим редакторам: