Иттилоияи Бозраси давлатии автомобилии вилояти Суғд

0
643 просмотров

Бозраси давлатии автомобилии вилояти Суғд дар робита ба сафари кории раисҷумҳури  Тоҷикистон Эмомалӣ Раҳмон ба ин вилоят бо интишори эъломе гуфтааст, аз 15 то 17-уми апрел роҳу кӯчаҳои чанд шаҳру ноҳияҳои Суғд муваққатан баста мешавад.

Субҳи имрӯз, 14-уми апрел сафари кории раисҷумҳури Тоҷикистон Эмомалӣ Раҳмон аз ноҳияи Айнӣ оғоз шуд ва дар назар аст дар идомаи ин сафар ба шаҳру ноҳияҳои Панҷакент, Хуҷанд, Бӯстон, Исфара, Ашт, Ҷаббор Расулов ва Бобоҷон Ғафуров бираванд.

Ба иттилои БДА-и вилояти Суғд, дар робита ба ин сафар санаи 15-уми апрел кӯчаҳои марказии шаҳри Бӯстон, шоҳроҳи Деҳмой-Конибодом, ҳудуди ҷамоати Ғозиёни ноҳияи Бобоҷон Ғафуров, кӯчаҳои марказии ноҳияи Ҷаббор Расулов, шоҳроҳи Душанбе-Хуҷанд-Чаноқ, ҳудуди ҷамоати Деҳмой ва Ёваи ноҳияи Бобоҷон Ғафуров, кӯчаи марказии Сартӯқайи ноҳияи Бобоҷон Ғафуров, кӯчаҳои Р.Ҳоҷиев, И.Сомонӣ, Р.Ҷалил, Сирдарё ва Камоли Хуҷандии шаҳри Хуҷанд, шоҳроҳи Хуҷанд-Ғафуров, кӯчаҳои марказии шаҳри Гулистон муваққатан баста мешавад.

Инчунин рӯзи 16-уми апрел кӯчаҳои марказии ҷамоатҳои Понғоз, Ашт, кӯчаи И.Сомонӣ ва шаҳраки Шайдони ноҳияи Ашт ва 17-уми апрел кӯчаҳои марказии шаҳри Исфара.

Бозрасӣ аз ҳамаи шаҳрвандон эҳтиромона хоҳиш кардааст, ки ҳангоми маҳдуд шудани ҳаракат дар мавзъҳои болозикр ҳаракати худро тариқи кӯчаҳои ҳамшафат идома диҳанд.

Манбаъ: https://www.asiaplustj.info/tj/

Нет комментариев

Также рекомендуем

Дарахте ки бо як дидан ночиз менамояд

Кофур (ба забони руссӣ— Камфора) — Ин шилми дарахти азимест, ки аксар ин дарахт дар сарзаминҳои ҷануби шарқи Осиё парвариш меёбад, инчунин дар соҳили баҳри Сиёҳи ...

Сообщить об опечатке

Текст, который будет отправлен нашим редакторам: