Дирӯз Раиси шаҳри Хуҷанд Раҷаббой Аҳмадзода ҷаласаи кории худро бо иштироки муовинони Раиси шаҳр роҳбарони воҳидҳои сохтории Мақомоти иҷроияи ҳокимияти давлатии шаҳри Хуҷанд баргузор намуд.
Зимни баргузории чаласа, Раҷаббой Аҳмадзода аз роҳбарони идораҳои заминсозӣ, меъморӣ, ба қайдгирии техники манзил талаб намуд, ки барои пешигирӣ намудани ҳолатҳои ғайримақсаднок истифода бурдани замин, риояи ҳатмии талаботи қонун барои додани иҷозати истифодаи замин фаъолияти якҷояи ҳамоҳангшударо ба роҳ монанд. Супориш дода шуд, ки рӯйхати тамоми иншоотҳои сохташаванда, заминҳои барои иншоотҳо ҷудо гашта санҷида шуда, аз ҳолати имрӯзаи онҳо маълумот омода карда шавад. Ҳамчунин таъкид гардид, ки дар ҳолати ошкор шудани истифодаи ғайриқонунии замин нисбати шахсоне, ки ба қонуншиканӣ роҳ дода, иншоотҳои худсарона бунёд намудаанд ба ҳолати аввалааш баргардонда шуда, нисбати ин нафарон чораҳои ҳуқуқӣ андешида шавад.
Ҳамчунин бобати назорати корҳои ободонӣ ва ташкили 2 гурӯҳи доимоамалкунандаи муассисаҳои ободонию кабудизоркунӣ дар соҳилҳои чап ва рост, нигохубини сарривақтии ниҳолу гулҳо ва харидорӣ намудани тухмии гулҳои зимистона, вусъат додани корҳои таъмир ва азнавсозии чароғонкунии кӯчаҳои шаҳр, ташкили чорабиниҳои фарҳангӣ ва маърифатӣ дар таътили хонандагон ба муовинон ва мутасаддиён дастуру супоришҳо дода шуд.
Ҳамзамон Раҷаббой Аҳмадзода қайд намуд, ки аллакай ситоди омодагӣ ба мавсими зимистонгузаронии солхои 2015-2016 бояд кори худро беҳтар намуда, тамоми корхонаю муассисаҳои маркази вилоят барои ин мавсим корҳои омодагиро аз қабили захираи сӯзишворӣ ва дигар маводи лозима чораҳо андешанд. Дар ин бора аз хадамоти матбуотии Раиси шаҳри Хуҷанд иттилоъ доданд.
Спорт арена: Дневник Евро-2016 на 8/07
Партнер «Дневника Евро -2016″ сеть фирменных магазинов iamdifferent Друзья! Летний сезон в самом разгаре и новая коллекция от iamdifferent поможет Вам быть ярче чем пылающее ...
Нет комментариев