Дирӯз дар Қасри Варзиши шаҳри Хуҷанд бозиҳои ниҳоии мусобиқаи кушоди варзишии футболи хурд байни дастаҳои мақомоти ҳифзи ҳуқуқ ва сохторҳои қудратӣ, корхонаҳо ва идораҳои давлатии вилояти Суғд баргузор гардид.Дар натиҷа дастаи футболи Прокуратураи вилояти Суғд дар қисмати ниҳойии сабқати бозии футбол дастаи Раёсати корҳои дохилии вилоятро бо ҳисоби 5:2 шикаст дода, ғолиби мусобиқа шуд. Медали биринҷии сабқат насиби Дастаи таъиноти махсуси милиса гардид, ки дастаи Раёсати Кумитаи давлатии амнияти миллӣ дар вилояти Суғдро бо ҳисоби 3:2 мағлуб сохтанд.
Мусобиқаи футболи хурд барои дарёфти Ҷоми вазири корҳои дохилии Тоҷикистон зери шиори “Варзиш барои оилаи солим ва зидди нашъамандӣ” баргузор гардида, дар он 10 дастаи мақомоти ҳифзи ҳуқуқ ва қудратӣ ва 8 дастаи наврасону ҷавонони вилояти Суғд иштирок доштанд.
Дар маросими ҷамъбаст сардори Раёсати ВКД Ҷумҳурии Тоҷикистон дар вилояти Суғд, генерал-майори милитсия Шариф Назарзода, Прокурори вилояти Суғд, генерал-майори адлия Шариф Қурбонзода ва Комиссари ҳарбии вилоят, генерал-майор Аъзам Қосимов ба ғолибони мусобиқа дипломҳои мусобиқа, медал, туҳфаҳои пулиро тақдим намуданд. Дар ин бора sugd.tj хабар медиҳанд.
Нет комментариев