КҲФ ва МГ Тоҷикистон зарари низои мусаллаҳонаро дар марзи Тоҷикистон ва Қирғизистон муайян мекунад

0
1 187 просмотров

Бо мақсади муайян кардани зарари низоъ дар марзи Тоҷикистон ва Қирғизистон роҳбарияти Раёсати Кумитаи ҳолатҳои фавқулода ва мудофиаи гражданӣ дар вилояти Суғд дар якҷоягӣ бо комиссияи ҳолатҳои фавқулодаи ноҳияҳои Исфара ва Бобоҷон Ғафуров хонаҳои зарардидаи се ҷамоати Исфара: Сурх, Ворух, Чоркӯҳ ва деҳаҳои Овчиқалъачаи ноҳияи Бобоҷон Ғафурови вилояти Суғдро тадқиқ мекунад.

Тавре ки хадамоти матбуоти кумитаи мазкур  иттилоъ медиҳад, мутобиқи маълумоти пешакӣ, дар натиҷаи низоъ дар ҳудуди 3 ҷамоати Исфара 14 бинои истиқоматӣ пурра хароб шуда, 2 хона ва 1 иншооти ёрирасон қисман зарар дидаанд.

Бинои муассисаи таҳсилоти миёна ва хонаи истиқоматӣ дар ҳудуди деҳаи Овчиқалъачаи ноҳияи Б.Ғафуров зарар дидаанд.

Комиссияҳои эвакуатсионии Исфара, ноҳияҳои Б.Ғафуров, Ҷ. Расулов ​​ва ноҳияи Спитамен дар якҷоягӣ бо кормандони мақомоти иҷроияи маҳаллии шаҳру ноҳияҳои вилоят, Раёсати ҳолатҳои фавқулода ва мудофиаи гражданӣ дар вилояти Суғд тақрибан 15 ҳазор сокини маҳаллиро, ки дар минтақаи низоъ қарор доштанд, ба ҷойҳои бехатар интиқол доданд. Дар айни замон ҳамаи онҳо ба ҷойҳои истиқомати доимии худ баргардонида шуданд.

Комиссияи ҳолатҳои фавқулода кори худро идома медиҳад.

Манбаъ: АМИТ «Ховар»

Нет комментариев

Также рекомендуем

«ВКонтакте» ва «Одноклассники» истифодабарандагонро оиди ҳолати фавқуллода огоҳ хоҳанд кард

Шабакаҳои иҷтимоии «Одноклассники» ва «ВКонтакте» истифодабарандагони худро оиди ҳолати фавқуллода огоҳ хоҳанд кард. Шартнома дар бораи таъсис додани ин гуна системаи огоҳкунандаро каме пештар Вазорати ...

Сообщить об опечатке

Текст, который будет отправлен нашим редакторам: