Кӯмакҳо ба Вазорати тандурустӣ ва ҳифзи иҷтимоии аҳолӣ

0
1 019 просмотров

Ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо дастгирии молиявии Дафтари Швейтсария оид ба рушд ва ҳамкорӣ дар Ҷумҳурии Тоҷикистон ва Бунёди кӯдакони Созмони Милали Муттаҳид (ЮНИСЕФ) дар Тоҷикистон таҷҳизоти муҳофизатӣ, аз қабили 6000 маҷмӯи якмасрафа, 5000 либоси якмасрафа, 15000 дастпӯшак, 6500 респиратор, 1500 ҷуфт мӯзаи обногузар, таҷҳизот барои пешгирӣ ва дигар лавозимоти зарурии санитарӣ ҷиҳати пешгирии сирояти коронавирус тақдим карда шуд. Дар ин бора аз Вазорати тандурустӣ ва ҳифзи иҷтимоии аҳолии мамлакат ба «Ховар» хабар доданд.

Дар маросими супоридани  мавод ва таҷҳизоти мазкур  муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Мирҳамуддин Камолзода,  роҳбари Дафтари Швейтсария оид ба рушд ва ҳамкорӣ дар Ҷумҳурии Тоҷикистон Уолбурга Росс, роҳбари Бунёди кӯдакони Созмони Милали Муттаҳид (ЮНИСЕФ) дар Тоҷикистон Лучано Калестини ва намояндагони ВАО иштирок намуданд.

Муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Мирҳамуддин Камолзода аз дастгириҳои пайвастаи  Дафтари Швейтсария оид ба рушд ва ҳамкорӣ дар Ҷумҳурии Тоҷикистон ва Бунёди кӯдакони Созмони Милали Муттаҳид (ЮНИСЕФ) дар Тоҷикистон нисбат ба соҳаи тандурустии мамлакат ёдовар шуда, тақдими мавод ва таҷҳизоти тиббиро идомаи ҳамкории мутақобилан судманди вазорат бо  ин ду ниҳоди бонуфузи байналмилалӣ арзёбӣ ва ба онҳо изҳори миннатдорӣ намуд.

Зикр гардид, ки бо назардошти вазъи кунунии сирояти коронавирус дар ҷаҳон  мавод ва молҳои зикршуда барои пешгирии вируси мазкур метавонанд кумак расонанд.

Хушбахтона, то кунун сирояти коронавирус дар қаламрави Ҷумҳурии Тоҷикистон ба қайд гирифта нашудааст. Вале  новобаста ба ин, чораҳои амалӣ ҷиҳати пешгирии вуруди сирояти мазкур ба мамлакати мо пурзӯр карда мешаванд.

Манбаъ: АМИТ «Ховар»

Нет комментариев

Также рекомендуем

Граждане ЕАЭС смогут работать водителями в России

Гражданам ЕАЭС могут разрешить трудиться в России водителями по своим национальным удостоверениям. Законопроект разрабатывают в Министерстве внутренних дел РФ. Как предполагается, изменения вступят в силу ...

Сообщить об опечатке

Текст, который будет отправлен нашим редакторам: