Каме дар бораи хоббинӣ

0
2 158 просмотров

Маълум аст, ки дар давраҳои Рими Қадим хоббинии подшоҳ дар сенат (мақомоти олии идораи давлатӣ) муҳокима карда мешуд. Хоби подшоҳро он дар замон нишони хабардиҳии парвардигор меҳисобиданд. Зеро чун ба Шумо аён аст, дар он давраҳо подшоҳро сояи парвардигор ё худ фиристодаи ӯ дар рӯи замин мешумориданд.

Баъд аз гузашти 5 дақиқаи вақт, инсон танҳо нисфи хоби дидаашро дар хотир дошта метавонад, лекин аллакай пас аз 10 дақиқа қариб 90%-и он хоби дидаашро аз хотир фаромӯш мекунад. Тадқиқотҳо нишон доданд, ки дар ҷараёни хобравӣ низ мағзи сари мо ба мисли дар бедорӣ буданамон фаъолона кор мекардааст. Одамоне, ки нобинои модарзод ҳастанд, ба монанди одамони бино хоб дида наметавонанд. Нобиноён аз рӯи эҳсосҳои одатии худ хоб мебинанд. Дар давоми хоби шабона инсон одатан аз 4 то 7 маротиба хоб мебинад, аммо саҳаргоҳон қисми зиёди онро аз ёд мебарорад. Олимон исбот кардаанд, ки ҳайвонҳо низ хоб дида метавонистаанд. Дар вақти хоб будан як ба ҳолати гурбача ё сагчаи худ аҳмият диҳед, онҳо ҳам ҳангоми хоб дидани чизи даҳшатовар мисли одам аз тарс меларзанд. Танҳо дар соати аввал ва охири хобравӣ садои мағалу ғавғо ба ҷараёни хоббинӣ таъсир мерасонад, ки агар дар ин вақт Шуморо аз хоб бедор кунанд,  дубора хобравиатон душвор мегардад. Тез-тез хоббинӣ аз баланд будани кори психикаи Шумо далолат медиҳад. Аммо агар Шумо сахт хаставу бемадор шуда бошед, дар вақти хобравӣ тамоман хоб намебинед. Одамоне, ки бо тартиб додани хоббинии махсуси худ хоббиниашонро идора карда метавонанд, онҳоро «аингерҳо» меноманд.

 

Нет комментариев

Также рекомендуем

Сообщить об опечатке

Текст, который будет отправлен нашим редакторам: