Агар ба тадқиқоти профессори донишгохӣ Пенсилвания Итан Моллик (Ethan Mollick) бовар кунем, майдони краудфандингии Kickstarter ба ташкил кардани 300 ҳазор ҷои корӣ имконият додааст. Аз ин шумора 29,6 ҳазор нафар пурра машғули кор буда, 283 000 нафари дигар қисман бо кор таъмин мебошанд. Инчунин бо шарофати Kickstarter 8,8 ҳазор ширкат ташкил карда шудааст.
Моллик тайи якчанд сол аз пайи хадамоти краудфандингӣ тадқиқот бурда, аз соли 2009-ум то 2015-ум 61654 лоиҳаим муваффақро тадқиқ кардааст. Мутобиқи тадқиқоти пешбурдаи ӯ лоиҳаҳои ба бозор баромада дар ҳаҷми миёна аз ҳар як саҳмгузор $2,46 доллар даромаромади молиявӣ ба даст меовардаанд. Бояд гуфт, ки ин маблағ дар байни лоиҳаҳои соҳаи хӯрока ва тарҳи маҳсулот нисбатан зиёд мебошад. Дар маҷмӯъ аз рӯйи ҳисоботи Моллик, Kickstarter ба муаллифони лоиҳаҳо ва ҳамкорони онҳо имкон додааст, ки $5,3 миллиард доллар маблағ ба даст оранд.
Мувофиқи маълумотҳои асосии профессор, 37 %-и пурсишшудагон иброз намудаанд, ки лоиҳаҳояшон барои дар корашон зина ба зина муваффақ шудан ёрӣ расонидааст. 21 %-и пурсишшудагон қайд намудаанд, ки пас аз гузаронидани ширкат ба Kickstarter он маблағи зиёд ба даст меовардагӣ шудааст. Баъзе аз муаллифони филмҳо ва видеобозиҳо, инчунин мусиқанавозон дар бораи бастани созишномаҳои бомуваффақияти худ бо нашриётҳо ва соҳибкорони инфиродӣ хабар додаанд, ки бо Kickstarter вобастагии зич доштааст.
Ба ғайрз ин Моллик қайд кард, ки майдон барои дар амал тадбиқ намудани як қатор лоиҳахои бузург имконият додааст, ки дар байни онҳо айнакҳои воқеияти вертуалии Oculus Rift ва соатҳои «доно»-и Pebble қарор доранд. Дар натиҷа Oculus аз тарфи Facebook харидорӣ карда шуда, Pebble бошад, дар одамон ҳисси шавқмандию ҳавасмандиро нисбати смарт-соатҳо бедор кардааст. Бо баробари ин бояд қайд кард, ки Kickstarter формулаи ба муваффақият ноилшавии ғайриоддию мӯъҷизанок нест. Мувофиқи маълумотҳои оморӣ дар хадамоти мазкур нисбат ба лоиҳахои комёб (109662) лоиҳаҳои ноком (196240) бештар будаанд.
Нет комментариев