Дар ноҳияи Спитамени вилояти Суғд имсол дурнамои истеҳсоли пахта 13100 тонна муқаррар гардида буд. Кишоварзони ноҳия то 9 ноябри соли равон ба хирмани мамлакат 13115 тонна пахта супориданд, ки ба 100,1 дарсади дурнамо баробар мебошад.
Дар ин бора АМИТ «Ховар» бо истинод ба хадамоти матбуоти Раиси вилояти Суғд иттилоъ медиҳад.
Кишоварзони ноҳияи Спитамен соли равон дар майдони 6015 гектар чигит кишт намуданд.
Дар вилояти Суғд тибқи дурнамо истеҳсоли 129 500 тонна пахта дар назар дошта шудааст, ки то имрӯз навоҳии Мастчоҳ, Конибодом, Ҷаббор Расулов ва Спитамен нақшаро пурра иҷро намуданд.
Дар навоҳии Ашт, Бобоҷон Ғафуров ва Зафаробод ҷамъоварии ҳосил идома дорад.
Манбаъ: АМИТ «Ховар»
Нет комментариев