Ширкати туркии «Кока -Кола Ичечек А.С» дар ояндаи наздик дар Душанбе -пойтахти Тоҷикистон корхонаи истеҳсоли маҳсулоти ғайримашруботиро бунёд менамояд. Дар робита ба ин 11 феврал вакилони палатаи поёнии Парлумони Тоҷикистон Созишномаи сармоягузорӣ байни Ҳукумати Ҷумҳурии Тоҷикистон ва ширкати туркии «Кока-Кола- Ичечек А. С» оид ба сохтмон ва истифодаи корхонаи истеҳсоли маҳсулоти ғайримашруботиро баррасӣ ва тасдиқ намуданд. Дар сурати ба кор шуруъ намудани корхонаи мазкур беш аз 120 ҷойи кори нав ва 500 ҷойи кори ғайримустақим ташкил мешавад. Корхона дар як сол бо иқтидори 100 миллион литр маҳсулоти ғайримашруботӣ истеҳсол хоҳад кард.Тибқи дурнамо дар давоми 5 сол корхона аз ҳисоби пардохтҳои андозӣ 20 миллион $ ба буҷети кишвар маблағ ворид менамояд. Буёнди корхонаи мазкур ба рушди иқтисодиёти кишвар, ворид намудани техника ва технологияи ҷадид, бунёди инфрасохтори замонавӣ, ташкили ҷойҳои нави корӣ, баланд бардоштани иқтидори истеҳсолию содиротии кишвар мусоидат менамояд. Мавриди зикр аст, ки ширкати туркии «Кока-Кола Ичечек А.С» дар кишварҳои Осиёи Марказӣ ва Афғонистон фаъолияти густурда дошта, маҳсулоти ғайримашруботиро бо тамғаи байналмилалии «Кока-Кола» истеҳсол менамояд. Дар ин бора khovar.tj хабар медиҳад.
Официальный курс валюты на 26.12.2018
Национальный банк Таджикистана (НБТ) 26 декабря с целью бухгалтерского учета и оплаты таможенной пошлины определил официальный курс иностранной валюты: 1 доллар США – 9.4204 сомони, ...
Нет комментариев